Qazaqstanda elektrık pen santehnık qyzmeti qansha turady
Bul saladaǵy mamandyq ıeleri kóbine jeke qyzmet kórsetýdi jón kóredi. Kazinform agenttigi elektrshi men santehnık qyzmetiniń qansha turatynyn bildi.
Baǵany salystyrý kezinde mamandardy úıge shaqyrý quny eskerildi. Mamandar úıge kelip, jumystyń aýqymyna qaraı baǵasyn aıtady.
Santehnık shaqyrý
Santehnık shaqyrý qyzmeti Petropavlda arzan bolyp shyqty. Munda santehnıkter úıge 1000 teńgege keledi. Maman úıge kelip, qarap, jumys kólemi men baǵasyn aıtady.
Shymkent, Qostanaı, Pavlodar, Túrkistan men Taldyqorǵanda santehnık shaqyrý qyzmeti 2000 teńgeden bastalady.
Semeı, Oral, Óskemen turǵyndary bul mamandy úıine shaqyrsa 3000 teńge tóleıdi. Al keıin olardyń qyzmet kórsetý quny ártúrli bolady. Bitelip qalǵan qubyrdy tazartý quny 10 - 15 000 teńge bolsa, smesıtel aýystyrý shamamen 10 000 teńge turady. Al Aqtóbede maman shaqyrý qyzmeti 3 500 teńgeden bastalady.
Keı óńirde santehnık qyzmetiniń quny orta eseppen 5 000 teńgege jýyqtaıdy. Bul baǵany Taraz, Kókshetaý, Qyzylorda, Jezqazǵan, Qaraǵandy, Aqtaý, Almaty men Atyraýda usynady.
Elimizde eń qymbat qyzmet - Astana qalasynda. Munda úıge shaqyrý quny 10 000 teńgeden bastalady.
Elektrık qyzmeti
Al elektrshiler qyzmeti elimizde arzandaý. Tek olardyń ár jumysynyń ózindik quny bar. Eń tómen baǵa Túrkistan qalasynda. Munda mamandar 500 teńgege keledi jáne rozetka aýystyryp beredi.
Taldyqorǵan, Taraz, Qostanaı, Qaraǵandy men Jezqazǵanda elektrshi shaqyrý quny 2 000 teńge turady. Olar rozetka aýystyrady, qaı jerden aqaý ketkenin anyqtaıdy jáne sheshimin aıtady.
Pavlodar, Kókshetaý, Shymkent, Aqtóbe, Petropavl men Oralda mamandy 3 000 teńgege shaqyrady. Keıbir elektrshi eger úıge kelip qarap, aqaýdy anyqtap, jóndeýge kelisse, tek jumys aqysyn suraıdy.
Qyzylorda, Aqtaý, Óskemen, Semeı, Atyraý men Astanada elektrshini úıge shaqyrý qyzmeti 5 000 teńgeden bastalady. Aqshany berip, kóp jumys atqarady degen oı qate.
Astanada bir rozetkany aýystyrý úshin elektrshiler 5 000 teńge suraıdy. Biraq bir emes, 3-4 rozetka aýystyrsa, 10 000 teńgege kelisedi. Astanalyq mamandar jumys aýqymy kishkentaı, aqysy tómen qyzmetke kelise bermeıdi.
Elimizde elektrshiler qyzmeti Almatyda qymbat. Munda qyzmet quny 7 000 teńgeden bastalady. Ásirese qalanyń qaı aýdanynda turyp, kimdi shaqyrǵanyńyz mańyzdy. Barar jer shalǵaı bolsa, qyzmet aqysy óse beredi.
Eske salsaq, buǵan deıin fıtnes-ortalyq pen altyn baǵasy, kıno bıletteriniń baǵasy saralandy.