Qazaqstanda elektr jelilerindegi apatty oqıǵalar 13%-ǵa tómendedi
ASTANA. KAZINFORM – «Energetıkalyq jáne kommýnaldyq sektorlardy jańǵyrtý» ulttyq jobasy aıasynda Qazaqstanda elektr jelilerindegi apattylyq 13%-ǵa azaıdy.
Energetıka mınıstrliginiń málimetinshe, 2025 jyly 17 myń shaqyrym elektr berý jelileri men 420 qosalqy stantsııaǵa kúrdeli jóndeý júrgizilgen. Nátıjesinde jelilerdiń tozý deńgeıi 66%-ǵa deıin tómendegen.
– Júrgizilgen jańǵyrtý jumystarynyń nátıjesinde elektr jelilerindegi apattylyq 13%-ǵa azaıyp, 3140 tehnologııalyq buzýshylyqtyń aldyn alýǵa múmkindik berildi. Bul sharalar energetıkalyq ınfraqurylymnyń senimdiligin arttyrýǵa baǵyttalǵan, – delingen málimette.
Bıyl da aýqymdy jóndeý jumystary jalǵasady. Jalpy 17 myń shaqyrym elektr jelisin jańartý josparlanǵan. Onyń ishinde Aqmola oblysynda – 2,5 myń km, Pavlodar oblysynda – 2,4 myń km, Jambyl jáne Ulytaý oblystarynda – 1,8 myń km-den astam jeli jóndeledi.
Sonymen qatar 444 qosalqy stantsııany, 3,4 myń taratý pýnkti men transformatorlyq qosalqy stantsııalardy jańǵyrtý kózdelgen.
– Josparlanǵan sharalardy iske asyrý elektr jelileriniń ortasha tozý deńgeıin qosymsha 65%-ǵa deıin tómendetýge, elektrmen jabdyqtaý senimdiligin arttyrýǵa jáne eldiń energetıkalyq júıesiniń turaqtylyǵyn kúsheıtýge múmkindik beredi, – dep atap ótilgen.
Aıta keteıik, kómir elektr stantsııalarynan zııandy gaz bólinýi 34%-ǵa deıin qysqarady.
