Qazaqstanda elektr taýarlary arzandady
ASTANA. KAZINFORM- Qazaqstanda 2026 jylǵy sáýir aıynda kóterme saýda naryǵynda birqatar taýar sanattary boıynsha baǵanyń ósýi de, tómendeýi de tirkeldi.
Ulttyq statıstıka derekterine sáıkes, kóterme baǵanyń jalpy ındeksi 2025 jylǵy sáýirmen salystyrǵanda 110,3%, al 2025 jylǵy jeltoqsanmen salystyrǵanda 107,6% boldy.
Baǵanyń tómendeýi
Elektr turmystyq taýarlar men radıoapparatýra segmentinde baǵanyń tómendeýi baıqaldy. Bul sanattaǵy ındeks 2025 jylǵy sáýir deńgeıine shaqqanda 93,8%-dy qurap, tehnıka baǵasynyń kóterme naryqta arzandaǵanyn kórsetti.
Baǵa ósken negizgi sanattar
Qalǵan segmentterde baǵa ósimi tirkeldi.
Azyq-túlik taýarlary ishinde et jáne et ónimderi 15,1%-ǵa, sút ónimderi 15,9%-ǵa, qant pen kondıterlik ónimder 14,7%-ǵa qymbattady.
Janarmaı baǵasy da ósti. Bul segmenttegi ındeks 114,6%-dy qurady. Benzın 17,8%-ǵa, suıytylǵan gaz 25,3%-ǵa qymbattaǵan.
Tsement baǵasy 18,6%-ǵa, beton jáne gıps ónimderi 3%-ǵa ósti.
Kóterme baǵanyń eń joǵary ósimi Aqtóbe oblysynda tirkeldi - 148,7%.
Odan keıingi oryndarda:
– Ulytaý oblysy - 113,6%;
– Batys Qazaqstan oblysy - 112,6%;
– Shymkent - 110,3%;
– Astana - 107,3%;
– Almaty - 106,3%.
Ortasha kóterme baǵalar:
– taýyq eti - 1 377 teńge/kg;
– shujyq jáne shujyqsha - 2 410 teńge/kg;
- sút - 599 teńge/l;
– qaımaq - 2 312 teńge/kg;
– sary maı - 5 100 teńge/kg;
– irimshik - 4 384 teńge/kg;
– kúnbaǵys maıy - 850 teńge/l;
–un - 280 teńge/kg;
– kúrish - 469 teńge/kg;
–qant - 416 teńge/kg;
– shaı - 4 412 teńge/kg;
– aýyz sý - 276 teńge/l;
– dızel otyny - 368 008 teńge/t;
– suıytylǵan gaz - 122 742 teńge/t.
Aıta keteıik, azyq-túlik baǵasyn endi jasandy ıntellekt baqylaıdy.
