Qazaqstanda elektr samokat paıdalaný erejesi ázirlenedi
NUR-SULTAN. QazAqparat – Qazaqstanda elektr samokat paıdalaný erejesi ázirlenedi. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.
«Qazirgi ýaqytta depýtattar «Jol júrisi salasyndaǵy keıbir zańnamalyq aktilerge ózgertýler engizý týraly» zań jobasyna bastamashalyq jasaǵandyǵyn habarlaǵym keledi. Onda samokattar, elektr samokattary men skýterlerdi paıdalaný boıynsha túzetýler, ózgertýler jáne qosymshalar engizý kózdelgen. Onyń ishinde atalǵan qozǵalys quralyn paıdalanatyn tulǵalardyń quqyqtarymen qatar mindetteri de reglamentteletin bolady. Tolyq aqparat alý úshin atalǵan zań jobasyn bastamashylarǵa, ázirleýshilerge júgingen jón», - dedi ol Ortalyq kommýnıkatsııalar qyzmetindegi baspasóz máslıhatynda.
Atalǵan baspasóz máslıhaty barysynda ol elimizde 2020 jyldyń 9 aıynda 8 933 jol-kólik apaty oryn alyp, saldarynan 1 265 adam qaza tapqanyn, 11 780 adam jaraqat alǵanyn aıtqan edi.
