Qazaqstanda elektr energııasynyń tarıfi 6,6 paıyzǵa qymbattady
QR UEM Statıstıka komıtetiniń málimetinshe, 2020 jyldyń qańtar-tamyzynda elimizde 69,8 mlrd kVt/saǵat elektr energııasy óndirildi. Bul bir jyl buryn dál osyndaı kólemnen 0,3 paıyzǵa kóp. Aqshaǵa shaqqanda elektr energııasyn óndirý, berý jáne taratý 787 mlrd teńgeni qurady. jalpy, 2019 jyly eliizde 106,5 mlrd kVt/saǵat elektr energııasy óndirilip, 2018 jylmen salystyrǵanda ósim 0,7 paıyz bolǵan edi.
Óńirlik shekte ádettegideı Pavlodar, Qaraǵandy jáne Shyǵys Qazaqstan oblystary elektr energııasyn kóp óndirdi. Osy úsh óńir elimizde óndirilgen jalpy elektr energııasynyń 63,2 paıyzyn berip otyr.
Pavlodar oblysynda jalpy elektr energııasynyń 39,1 paıyzy, naqty aıtqanda 27,2 mlrd kVt/saǵaty óndirildi. Degenmen, bir jyl burynǵy kórsetkishten 3,2 paıyzǵa kem bolǵany baıqalady. Al Qaraǵandy oblysynda kerisinshe elektr energııasyn óndirý 5,1 paıyzǵa artyp, 10,6 mlrd kVt/saǵatty qurady.
Úzdik úshtikke kiretin Shyǵys Qazaqstan oblysynda 6,2 mlrd kVt/saǵat elektr energııasy óndirildi. Óńir bıyl elektr energııasyn óndirýdi ótken jylmen salystyrǵanda 3,2 paıyzǵa tómendetip aldy.
Osy jyldyń qyrkúıeginde elimizde elektr energııasynyń tarıfi ótken jyldyń qyrkúıegimen salystyrǵanda 6,6 paıyzǵa qymbattady.
Baǵa ósimi ásirese Batys Qazaqstan (1 jyldyń ishinde 19,9 paıyzǵa ósim), elorda (15,5) jáne Shymkent (10,1) turǵyndaryne qatty baıqaldy.
Al Aqmola oblysynda elektr energııasy 0,9 paıyzǵa arzandap otyr.
