Qazaqstanda elektr energııasyna tarıfterdi saralaýdy joıý boıynsha pılottyq joba usynyldy
Dóńgelek ústel jumysyna Básekelestikti qorǵaý jáne damytý agenttiginiń, Indýstrııa jáne ınfraqurylymdyq damý mınıstrligi men Ulttyq Energetıka mınıstrligi Tabıǵı monopolııalardy retteý komıtetiniń Almaty qalasy boıynsha departamenti, Almaty qalasy ákimdiginiń jumyspen qamtý jáne áleýmettik baǵdarlamalar basqarmasynyń basshylary, qoǵam, salalyq qaýymdastyqtar ókilderi qatysty.
Rýstam Ahmetovtyń aıtýynsha, pılottyq joba 3 óńirde – Almaty, Batys Qazaqstan jáne Qostanaı oblystarynda bastaldy.
«Búgingi tańda energııamen jabdyqtaýshy uıymdardyń tarıfteri tutynýshylardyń toptary boıynsha turmystyq, zańdy tulǵalar jáne bıýdjettik uıymdar dep bólinip, saralanady. Turmystyq tutynýshylarǵa úshin tarıfter zańdy jáne bıýdjettik tutynýshylardyń tarıfin jasandy ósirý esebinen arzandatylyp, saralanady. Nátıjesinde búkil el boıynsha ShOB jyl saıyn 31 mlrd teńgeni artyq tóleıdi. Shaǵyn jáne orta bıznes, óıtkeni iri energııany kóp qajet etetin bıznes elektr stantsııalarynan elektr energııasyn tikeleı satyp alady jáne olarǵa saralaý qoldanylmaıdy»,- deıdi ol.
Spıkerdiń sózinshe, elektr energııasyna tarıfterdi saralaýdy joıý - tarıfti kóterý emes, elektrmen jabdyqtaý qyzmetteriniń zamanaýı naryǵyn qurý.
«Tutynýshylardyń sanattary boıynsha tarıfterdi saralaýdy kezeń kezeńmen alyp tastaýdyń artyqshylyqtary «kommýnaldyq quldyqtan», ıaǵnı tutynýshylardyń energııamen jabdyqtaýshy bir uıymǵa baılanýynan arylý. Bolashaqta bul naryqtaǵy barlyq usynystardyń ishindegi eń tómengi baǵany tańdaýǵa kepildik beredi, qosymsha qyzmetterdi damyta otyryp, qyzmet kórsetý sapasyn arttyrady», - deıdi Rýstam Ahmetov.
Sonymen qatar, ol pılottyq jobanyń kásipkerlikti damytý jónindegi ulttyq joba sheńberinde iske asyrylyp jatqanyn atap ótti.
