Qazaqstanda elektr energııasyna tapshylyq artýy múmkin

ASTANA. QazAqparat – Keıingi jyldary elimizde elektr energııasyna suranys 10 paıyzǵa jýyq ósti. Bul týraly elordadaǵy energetıkalyq qaýipsizdik taqyrybyndaǵy konferentsııada «Samuryq-Energo» AQ generatsııa departamentiniń dırektory Ǵalymbek Aýtalıpov aıtty, dep habarlaıdy QazAqparat tilshisi.

«Keıingi bes jylda elimizde elektr energııasyna degen suranys 9,4 paıyzǵa ósti. Sonymen qatar, qoldanystaǵy energııa óndirýshi qýattar ósip kele jatqan suranysty jaba almaıdy. Mınıstrlik bekitken boljamdy balansqa sáıkes, 2023 jylǵa qaraı qýat tapshylyǵy shamamen 1,4 gıgavatt, al 2029 jylǵa qaraı shamamen 3 gıgavatt bolýy múmkin. Osyǵan baılanysty QR Úkimeti men «Suryq-Qazyna» qory jańa energııa qýatyn engizýdi tapsyrdy. Atap aıtqanda, «Samuryq-Energo» Ekibastuz GRES-2 bloktarynyń qurylysyn iske asyrýdy jáne jalǵastyrýdy josparlap otyr» - dedi Ǵ. Aýtalıpov.

Sonymen qatar ol Almatydaǵy jylý elektr ortalyqtaryn kúsheıtý qarastyrylǵanyn aıtty.

«Jalpy, osy baǵyttaǵy qadamdar 2029 jylǵa qaraı 4 gıgavatt deńgeıindegi energııany iske qosýǵa múmkindik beredi. Budan bólek, biz jańartylatyn energııa kózderin engizip jatyrmyz. Burynǵy energııa resýrstary qataryndaǵy kómir jáne gaz stantsııalary bar. Halyqaralyq deńgeıde kómirqyshqyl gazyn azaıtý maqsaty qoıylǵanyn eskere otyryp, 2022 jyly «Samuryq-Energo» tıisti baǵdarlamany bekitti», - dedi kompanııa ókili.

Budan buryn habarlanǵandaı, brıtandyq NNWI ortalyǵynyń prezıdentiTım Ieo Ortalyq Azııanyń energetıka saıasatynda eleýli ózgeris bolýy múmkin ekenin aıtty. https://kaz.inform.kz/news/ortalyk-aziyanyn-energetika-sayasatynda-eleuli-ozgerister-boluy-mumkin-sarapshy_a4068035