Qazaqstanda elektr energııasyn eń kóp tutynatyn óńirler belgili boldy

NUR-SULTAN. QazAqparat – Qazaqstanda bir jylda elektr energııasy 7 paıyzǵa qymbattady. Bul týraly QazAqparat tilshisi Energyprom aqparat kózine silteme jasaı otyryp habarlaıdy.

«Elektr energııasyn eń kóp tutynatyn óńirler - Pavlodar, Qaraǵandy jáne Almaty oblystary. 2020 jyly elde 107,9 mlrd kVt/saǵat elektr energııasy óndirildi. Bul – bir jyl burynǵy kórsetkishten 1,9 paıyzǵa artyq. Generatsııa kóleminiń basym bóligi Pavlodar, Qaraǵandy, Shyǵys Qazaqstan oblystaryna tıesili» delingen habarlamada.

Kásiporyndardyń ishinde elektr energııasyn eń kóp óndiretini - «Bolat Nurjanov atyndaǵy Ekibastuz GRES-1» JShS (19,5 mlrd kVt/saǵat — bir jyl burynǵy kórsetkishten 6,4%-ǵa artyq).

Odan keıingi oryndarda «EEK» AQ (14 mlrd kVt/saǵat, bir jyl burynǵy kórsetkishten 1,8%-ǵa artyq) jáne «Ekibastuz stansasy GRES-2 (5 mlrd kVt/saǵat, bir jyl burynǵy kórsetkishten 0,9%-ǵa artyq) tur.

«2020 jylǵy jeltoqsanda elektr energııasy bir jyl burynǵydan qaraǵanda 6,5 paıyzǵa qymbattady. Baǵanyń jyldyq ósimi ásirese elorda, BQO, Qostanaı oblystarynda baıqaldy. Al Mańǵystaý jáne Shyǵys Qazaqstanda tarıf sol kúıinde qalǵan» delingen habarlamada.