Qazaqstanda elektr energııasy tarıfi qymbattaıdy
NUR-SULTAN. QazAqparat – QR UEM Tabıǵı monopolııalardy retteý komıteti elektr energııasy tarıfiniń qymbattaýy týraly pikir bildirdi, dep habarlaıdy QazAqparat tilshisi.
«Energetıka salasyndaǵy ókiletti organdar (Energetıka mınıstrligi) aıtqandaı, stantsııalar boıynsha tarıf shamamen 15% kóterildi. 44 stantsııanyń 32-si boıynsha tarıf kóterildi. Bul sońǵy tutynýshylyq baǵaǵa azdap áser etedi», - dedi QR UEM Tabıǵı monopolııalardy retteý komıtetiniń tóraǵasy Asan Darbaev elordada ótken baspasóz máslıhatynda.
Onyń aıtýynsha, elektr energııasy tarıfi 6-7% kóteriledi dep kútilýde.
«Nátıjesinde tutynýshylar úshin baǵa shamamen 6-7% qymbattaıdy. Odan artyq qymbattamaıdy. Mundaǵy sýbektilerdiń kópshiligi tarıfti kóterý jumystaryn kelesi jyly bastaıdy. Onda árbir sýbektiniń tarıfterin tekserip shyǵamyz», - dedi A. Darbaev.
Onyń aıtýynsha, elektr energııasynyń jańa tarıftik mólsherlemesi 2021 jyldan bastap kúshine enedi.
