Qazaqstanda elektr energııasy men sýyq sý qymbattady
ASTANA. QazAqparat - Qazaqstanda úı-páter qyzmetiniń tarıfteri, jylý-sý, elektr energııasy, gaz jáne basqa da janarmaı túrleri 2017 jyldyń tamyzynda 2016 jyldyń jeltoqsanymen salystyrǵanda 5%-ǵa, ótken jyldyń tamyzymen salystyrǵanda - 6%-ke qymbattaǵan, dep habarlaıdy «QazAqparat» HAA tilshisi ranking.kz-ke silteme jasap.
Kórsetilgen aqparatqa sáıkes, tamyz aıynda turǵyn úıdiń shyǵyndary 8,4%-ke bir sharshy metr úshin 26,63 teńgege qymbattaǵan. Al qoqysty shyǵarý - adam basyna bir aıda 4,8%-ke 161,74 teńgege artqan. Sýmen jabdyqtaý men kárizge salasynda sýyq sý aıtarlyqtaı qymbattaǵan - bir tekshe metrge 71,6 teńgeni qurap, 10,5%-ǵa artqan.
Ystyq sýdyń tarıfi 3,5%-ke joǵarylap, bir tekshe metrge 221,77 teńge bolǵan. Al kárizdiki - 46,83 teńgege deıin 9%-ke artqan. Ortalyqtan jylytý quny bir jylǵa 3,5% -ke 3943,93 teńge Gkalǵa deıin artsa, bólgish jeliler arqyly tasymaldanatyn tabıǵı gaz - 4,8%-ke tekshe metrine 17,05 teńgege deıin jáne tómendetilgen gaz - 4,3%-ke deıin 1 kelige 142,93 teńgege qymbattaǵan.
