Qazaqstanda elektr energııasyn óndiretin qurylǵylardyń jartysynan astamy ábden eskirgen
ASTANA. KAZINFORM — Olqylyqty joıý úshin 2035 jylǵa deıin naqty jospar daıyndalǵan. Bul jóninde QR Energetıka mınıstrligi resmı saýalymyzǵa joldaǵan jaýabynda málimdedi.
— Elimizde elektr energııasyn óndiretin jabdyqtardyń 53%-y tozǵan. Mınıstrlik eldegi atalǵan tapshylyqty joıý jáne eksporttyq áleýetti kúsheıtý úshin 2035 jylǵa deıin elektr energetıkasy salasyn damytý jónindegi is-sharalar josparyn ázirledi. Jobaǵa saı, óndiriletin energııa qýaty 26 GVt-qa arttyrylmaq, — delingen resmı jaýapta.
Qosymsha qýatty alý maqsatynda qoldanystaǵy stantsııalar jańǵyrtylady jáne jańa generatsııa qondyrǵylary salynady. Atap aıtqanda:
— stantsııalardy jańǵyrtý, keńeıtý jáne qaıta qurý arqyly — 5 GVt;
— jańa generatsııalar salý arqyly — 10,5 GVt;
— jańartylatyn energııa kózderi jobalary arqyly — 8,4 GVt;
— AES arqyly — 2,4 GVt qosymsha qýat kózderi iske qosylady.
Aıta keteıik, buǵan deıin 2026 jyly elimizde qandaı energııa nysandary iske qosylatynyn jazǵanbyz.
