Qazaqstanda elektr energetıkasyna jańa tarıftik saıasat engiziledi
ASTANA. QazAqparat - Qazaqstan energetıkteri elektr energııasy óndirisin jyldamdatýda - bıyl 7 aıdyń ishinde qazaqstandyq energetıka kompanııalary 2016 jyldyń osy kezeńimen salystyrǵanda, naqty kólemde 5,8%-ǵa kóp elektr energııasyn óndirgen, dep habarlaıdy finprom.kz.
Bul sońǵy besjyldyqta elimizdegi elektr energııasy óndirisiniń eń kóp kórsetkishi. Ótken jyldyń qańtar-shilde aralyǵynda 0,1%-ǵa azaıǵan. Naqty aıtqanda, elektr energııasy óndirisiniń kólemi bıyl 59 mlrd kVt/s-dan asyp ketken.
Resmı derekter boıynsha, bıyl jeke satyp alýshylar úshin elektr energııasynyń quny 3,8%-ǵa qymbattaǵan. Bul sońǵy 5 jyldaǵy 7 aıdyń ishindegi tarıftiń eń tómengi ósý qarqyny sanalady. Bul salany, ásirese qyzmetter tarıfıkatsııasy máselesin ary qaraı reformatsııalaý kútip tur.
Atap aıtqanda, «100 naqty qadam» ult josparynyń 50-qadamynda kórsetilgendeı, elektr energetıkasy salasy qaıtadan qurylyp, «Biryńǵaı satyp alýshy» modeli engiziledi. Bul óńirler arasyndaǵy elektr energııasynyń ártúrli tarıfterin retteýge múmkindik beredi.
Sondaı-aq, osy saladaǵy ınvestıtsııaǵa qarqyn beretin elektr energetıkasyna jańa tarıftik saıasat engizý josparlanýda.
