Qazaqstanda elektr energetıkasy damýynyń basym baǵyttarynyń biri - jańartylatyn energııa kózderi - EMRM ókili
ASTANA. Qańtardyń 14-i. QazAqparat /Marlan Jıembaı/ - Almaty oblysynyń Shelek dálizinde salynatyn jel energııasy stansysynyń aldyn ala qujattaryn ázirleý jumystary bastaldy.
Bul týraly búgin Ýkraına ókilderiniń qatysýymen jel energetıkasy salasyndaǵy jobalardyń damý perspektıvasyna arnalǵan semınarda Energetıka jáne mıneraldyq resýrstar mınıstrliginiń ókili Serikbol Ájikenov aıtty.
Jańartylatyn energıııa kózderin paıdalaný maqsatynda ótken jyly shildede «Jańartylatyn energııa kóderin paıdalanýdy qoldaý týraly» QR Zańynyń, sondaı-aq birqatar aktilerdiń qabyldanǵanyn atap ótken ol «Qazaqstanda ekologııalyq problemalardy sheshý jáne elektr energetıkasy damýynyń basym baǵyttarynyń biri jańartylatyn energııa kózderin paıdalaný bolyp tabylady», dedi.
Onyń aıtýynsha, elimizde jeldiń áleýetin paıdalaný ásirese ońtústik oblystarda óte zor. Osyǵan oraı, birqatar sheteldik jáne otandyq kompanııalar jel energetıkasyn damytý boıynsha jobalarǵa qatysýǵa nıetti ekendikterin bildirgen.
Aıta keteıik, Shelek dálizi Almatydan 150 shaqyrym jerde, Іle Alataýy men Jetisýdyń taýly silemderiniń arasynda ornalasqan. Jel áleýeti óte joǵary, jyldamdyǵy - 50 metrlik bıiktikte 7,8 m/s, jel aǵynynyń tyǵyzdyǵy 510 Vt sharshymetrdi quraıdy. Bul saǵatyna 3200 kVt elektr energııasyn óndirýge múmkindik beredi.
Jalpy, álemde jel energııasy stansysy óndiriletin elektr energııasynyń 1,5 paıyzyn quraıdy. Onyń ósý qarqynynyń ortasha kórsetkishi 29 paıyzdan astam jáne de ol jyl saıyn ulǵaıyp keledi.
