Qazaqstanda election2015.kz saıty iske qosyldy
ASTANA. QazAqparat - Qazaqstanda prezıdenttik saılaýǵa arnalǵan election2015.kz saıty iske qosyldy. Ony jasaýshy tanymal blogger Baýyrjan Sádıev.
Saıtty ázirleýshi resýrsty qurýdyń birneshe sebebin atap ótedi. Birinshiden, áleýmettik jelilerde aqparattyq qoqys óte kóp, sonyń aǵymynda mańyzdy elektoraldyq aqparat joǵalyp, sońǵy paıdalanýshysyna deıin jetpeıdi. Ekinshiden, jańa saıt úkimettik emes alańda quryldy, bul, onyń aıtýynsha, qoǵamdyq plıýralızm men saılaýshylardy tartý úshin óte mańyzdy.
Election2015.kz saıtynyń ishinde birneshe qyzmet bar. Birinshi kezekte: halyq jańalyqtary, bul jerde nıet bildirgen kez kelgen adam basqa paıdalanýshylarmen aqparat bólise alady, alańdaýshylyq týdyrǵan taqyryptardy talqylaýǵa arnalǵan bos chattar, qyzyqty saılaýaldy saraptama, beınematerıaldar men áleýmettik servısterden saılaýaldy taqyryp boıynsha jańalyqtardy agregatsııalaý bar.
«Saıtqa kirýshiler aldaǵy saılaýdy bólek taqyryptarmen talqylaý múmkindigin alady. Onyń árbir taqyryby tek saıtqa kirýshilerdiń ózderiniń bastamasymen qurylady», - dep baıandady B.Sádıev.
Atap óteıik, platformany qurýshylar jańa saıtty barlyq tanymal áleýmettik jelilermen yqpaldastyra aldy. Atalǵan múmkindik osyndaı resýrstardyń belsendi paıdalanýshylary bolyp tabylatyn jas urpaqtyń qolaılylyǵy úshin berildi. Heshtegterdi paıdalaný múmkindigi de paıdalanýshylardyń múmkindikterin kóbeıte túsedi.
