Qazaqstanda eldi mekenderden 10 mln. tekshe metr qar shyǵaryldy - V.Bekker
ASTANA. QazAqparat - Qazaqstanda eldi mekenderden 10 mln. tekshe metr qar shyǵaryldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıng barysynda QR ІІM Tótenshe jaǵdaılar komıtetiniń tóraǵasy Vladımır Bekker málim etti.
«Aǵymdaǵy jyly turǵyn úılerdiń sý astynda qalýyna jol bermeý úshin jergilikti atqarýshy organdar eldi mekenderden 10 mln. tekshe metrden astam kólemdegi qardy shyǵardy», - dedi ol.
Komıtet basshysynyń aıtýynsha, sý tasqyny maýsymy kezinde 90 shaqyrym bóget salynyp, 455 qorshaý bógetter jóndeýden ótkizilgen, ózenderdiń jaǵalaýlary nyǵaıtylyp, ózen tabandary tereńdetilgen. Munan bólek, QR Іshki ister mınıstrligi jergilikti jáne ortalyq atqarýshy organdarmen birlesip, sý tasqynyna qarsy daıyndyq jumystaryn da tyńǵylyqty júrgizgen. Aǵymdaǵy jyly sý tasqynynyń aldyn alý jáne onyń saldaryn joıý úshin 27,5 tonna janarmaı, 300 mln. qap ınertti materıal, 1,3 mln. qapqum, 150 tonna jarylǵysh zat ázirlengen.
«Búgingi kúni tótenshe jaǵdaılar aýmaǵynda 36 myń metrden astam ýaqytsha bógetter turǵyzylyp, 145 myńnan astam qap ınertti materıaldar tóseldi, 1 mln. tonnadan astam tasyǵan sý keri aǵyzyldy», - dedi V.Bekker.
