Qazaqstanda el halqynyń densaýlyq jaǵdaıy týraly statıstıkalyq jınaq jaryq kóredi

ASTANA. KAZINFORM — Salıdat Qaıyrbekova atyndaǵy ulttyq ǵylymı densaýlyq saqtaýdy damytý ortalyǵy Qazaqstan Respýblıkasy halqynyń densaýlyq jaǵdaıynyń, sondaı-aq densaýlyq saqtaý uıymdarynyń 2023-2024 jyldardaǵy qyzmetiniń negizgi kórsetkishterin kórsetetin jańa statıstıkalyq jınaqty usyndy. Bul týraly vedomstvonyń baspasóz qyzmeti málim etti.

 Jınaq statıstıkalyq málimetterdiń keń spektrin qamtıdy:

* memlekettik, jeke jáne vedomstvolyq densaýlyq saqtaý uıymdary boıynsha aqparat,

* qalalyq jáne aýyldyq densaýlyq saqtaý derekteri,

* óńirler, sondaı-aq Astana, Almaty, Shymkent qalalarynyń arasyndaǵy salystyrmaly taldaý,

* basqa elderdiń derekterimen salystyrylatyn jeke kórsetkishter.

20 taqyryptyq bólim densaýlyq saqtaý júıesindegi negizgi baǵyttardy qamtıdy, medıtsınalyq kómektiń ártúrli deńgeıleri men baǵyttary boıynsha keshendi kórinisti qamtamasyz etedi.

— Jınaq densaýlyq saqtaýdy uıymdastyrýshylar men ákimshilerge, medıtsınalyq uıymdardyń mamandaryna, densaýlyq saqtaý salasyndaǵy memlekettik saıasatty qalyptastyratyn sarapshylarǵa, sondaı-aq lıtsenzıarlar men medıtsınalyq qyzmetti retteýshilerge baǵdarlanǵan, —delingen habarlamada.

Barlyq esepteýler men qorytyndylar Qazaqstan Respýblıkasy Densaýlyq saqtaý mınıstrliginiń «Salıdat Qaıyrbekova atyndaǵy ulttyq ǵylymı densaýlyq saqtaýdy damytý ortalyǵy» ShJQ RMK daıyndaǵan bekitilgen jyldyq eseptik nysandar negizinde oryndaldy.

Eske sala keteıik, buǵan deıin densaýlyq saqtaý ınfraqurylymynyń tsıfrlyq kartasy ázirlenip jatqanyn jazǵan edik.