Qazaqstanda el azamattarynyń daýys berý quqyqtaryn júzege asyrý qamtamasyz etildi - «Eho» QB
ASTANA. QazAqparat - Baıqaýshylardyń atap ótýinshe, 2012 jyly ótken QR Parlamenti Májilisine depýtattardy saılaý kezeńimen salystyrǵanda, halyqtyń saıası belsendigi deńgeıi artyp otyr.
«Saılaý qorytyndysyna áser etetindeı saılaý zańnamasyn buzý jaǵdaılary baqylaý barysynda tirkelgen joq. Osy rette «Eho» qoǵamdyq birlestigi Qazaqstan bıligi el azamattarynyń daýys berý quqyǵyn júzege asyrýdy qamtamasyz etti dep málimdeıdi. Qazaqstan Respýblıkasy Parlamenti Májilisiniń depýtattaryn kezekten tys saılaý eldiń saılaý zańnamasyna sáıkes boldy. 2012 jáne 2016 jyldardaǵy eldiń zańnamalyq organyna qatysty saılaýǵa jasalǵan taldaýdyń nátıjesi normatıvtik-quqyqtyq bazany, daýys berý sharalarynyń úderisteri men ony uıymdastyrýdy jetildirýde ońtaıly qarqyndy kórsetip otyr. Baıqaýshylar saılaýdy tehnıkalyq qamtamasyz etý men saılaý komıssııalary múshelerin daıarlaý baǵyttarynda ilgerileýshilikti atap ótýde»,-delingen «Eho» qoǵamdyq birlestiginiń málimdemesinde.
