«Qazaqstanda ekstremızm qateri bar ma?» -respýblıkalyq basylymdarǵa sholý
***
«Egemen Qazaqstan» gazetiniń jazýynsha, keshe Aqordada Memleket basshysy Nursultan Nazarbaevtyń tóraǵalyǵymen Qaýipsizdik Keńesiniń kezekti otyrysy ótti. Otyrysta din salasyndaǵy turaqtylyqty nyǵaıtýda odan ári atqaratyn sharalar týraly másele qaraldy. Prezıdent Ákimshiliginiń Basshysy Aslan Mýsın baıandama jasady. Memleket basshysy quqyq qorǵaý organdary men ózge memlekettik organdarǵa dinı-ekstremıstik kórinisterdi ashý jáne tez arada áreket etý jóninde tapsyrma berip, Astana, Almaty qalalarynyń jáne oblystardyń ákimderi tárbıe jáne profılaktıkalyq jumystardy kúsheıtip, dinı birlestikterdiń qoldanystaǵy zańnama normalaryn qatań saqtaýyn qadaǵalaýlary qajettigin basa aıtty. Maqala «Naqty tapsyrmalar berildi» degen taqyryppen jaryq kórdi.
Keshe Astanada Syrtqy ister mınıstri Erjan Qazyhanov elimizge qysqa merzimdi saparmen kelgen BUU Bas hatshysynyń arnaıy ókili, BUU aımaqtyq ortalyǵynyń basshysy, elshi Mıroslav Enchamen kezdesti. Osyǵan oraı «Egemen Qazaqstan» gazetinde jaryq kórgen maqalada kezdesý barysynda Qazaqstan Respýblıkasy men BUU yntymaqtastyǵynyń tıimdi jaqtary talqylanǵandyǵy atap ótilgen. «Sonymen birge Ortalyq Azııa óńirindegi qazirgi jaǵdaı, uıymdasqan transshekaralyq qylmysqa, terrorızm men ekstremızmge qarsy sharalardy, esirtki taratýǵa qarsy is-qımyldardy jetildirý, sý-energetıkalyq problemalardy sheshý sııaqty máseleler qaraldy», - dep jazady basylym.
***
Bizdiń elde ekstremızm qateri bar ma? Bar bolsa, onymen qalaı kúresý kerek? Keshe «Nur Otan» HDP Ortalyq apparatynda bastalǵan «Terrorızm: oǵan qarsy turý máseleleri» atty halyqaralyq konferentsııa osy suraqtarǵa jaýap izdedi. Jıynǵa qatysqan Qazaqstan, Reseı, Ýkraına jáne Qyrǵyz elderiniń memlekettik qaýipsizdik organdary qyzmetkerleri, dıplomatııalyq korpýs ókilderi, halyqaralyq sarapshylar, quqyq qorǵaý organdary men arnaıy jasaqtardyń ardagerleri, memlekettik organdardyń, qoǵamdyq jáne dinı uıymdardyń, bıznes-qaýymdastyqtyń ókilderi - uzyn sany úsh júzden astam adam búgin bir bátýaǵa kelýi tıis. Al keshegi basqosýda terrorızmmen kúreste bilimge ıek artý týraly usynystar aıtyldy. Bul jaıynda «Aıqyn» gazetindegi «Qazaqstanda ekstremızm qateri bar ma?» degen taqyryptaǵy maqaladan bile alasyzdar.
«Munaıshylar qalasy nege muńaıdy? nemese Jańaózen ereýilshiler polıgonyna aınala ma?». «Aıqyn» gazetinde osy taqyryppen jaryq kórgen maqala batystaǵy munaıshylardyń ereýili tóńireginde órbigen. «Bastapqyda narazylyq aktsııalaryn munaı mekemesiniń janynda nemese avtoturaqtan bastaǵan jumysshylar 8 shildeden bastap otbasylarymen birge qala ákimdigi aldyndaǵy «Táýelsizdik» alańyna jınalyp, sonda túneýdi ádetke aınaldyrǵan. Al mekeme basshylary jumysshylar áreketin zańsyzdyqqa balap, olardyń birqataryn jumystan shyǵaryp ta úlgerdi. Al ózderiniń qandaı talaptar qoıǵanynan shatasa bastaǵan narazy top bolsa aıtqandarynan qaıtar syńaı tanytpaı tur», - dep jazady basylym.
***
«Alash aınasy» gazetiniń turaqty «Dat!» aıdarynda jazýshy, Halyqaralyq Alash ádebı syılyǵynyń laýreaty, Qazaqstannyń eńbek sińirgen qaıratkeri Nesipbek Dáýtaıulymen aradaǵy suhbat «Jazýshymyn deseń, janyń aýyryp tursyn» degen taqyryppen berilgen. Basylymnyń barlyq saýaldaryna tuşymdy jaýap bergen qalamger: «Meniń qyjylym - qazaqtyń rýǵa, jikke, jershildikke bólingeni. Biz ósemiz, ónemiz, órkenıetti el bolamyz deıtin bolsaq, aryda - Ata, beride Jatyr bólispeýimiz kerek», - depti.
«Kesh Astanada jasóspirimder arasyndaǵy álem chempıonatynyń ashylýyna qatysty baspasóz máslıhaty ótti. Jarysqa qatysatyn memleketterdiń sany belgili bolyp qaldy. Qazaqstan boks federatsııasynyń vıtse-prezıdenti Serik Qonaqbaevtyń aıtýynsha, ázirge 42 memleketten 400-den astam sportshy kelip otyr», - dep jazady «Alash aınasy» gazeti. Basylymnyń atap ótýinshe, Qazaqstan baıraqty básekede 6 altyn alýdy josparlap otyr. Maqala «Alty altynnan dámemiz bar» degen taqyryppen berilgen.
