Qazaqstanda ekstremıstik jáne lańkestik is-áreketteri úshin 400 adam túrmede otyr (FOTO)
ASTANA. QazAqparat - Qazaqstanda ekstremıstik jáne lańkestik is-áreketteri úshin shamamen 400 adam túrmede otyr. Qazaqstan musylmandary dinı basqarmasynyń 2015 jylǵy jumys qorytyndysynda osyndaı málimet kórsetilgen.
«Aǵymdaǵy merzimde respýblıka boıynsha ekstremıstik jáne lańkestik is-áreketteri úshin 400 adam túzetý kolonııalarynda otyr. Olardyń ishinde 150 adam áli kúnge deıin ózderiniń dinı kózqarastaryn ózgertpegen», - dep kórsetilgen basqarmanyń taratqan habarlamasynda.
2015 jyly basqarmada túzetý kolonııalaryndaǵy teris aǵym ustanatyndarmen jumys júrgizý maqsatynda arnaıy ımamdar toby quryldy.
«Ekstremıstik jáne lańkestik ıdeıalardyń taralmaýy úshin belsendi túsindirý jumystary qolǵa alyndy. Sonyń nátıjesinde ekstremıstik is-áreketterge qatysy bar 723 tulǵamen jeke-jeke túsindirý jumystary júrgizildi», - dep habarlaıdy QMDB.
Sonymen qatar jalpy túrmede isti bolǵan 6400 adammen jalpy dástúrli dinniń qundylyqtary boıynsha úgit-nasıhat sharalary ótkizilgen.
QMDB habarlamasynda atap kórsetilgenindeı, Qazaqstanda 802 radıkaldy aǵym ókilderi dástúrli ıslamǵa bet burdy.
