Qazaqstanda eksporttyq-kredıttik agenttik qalaı qurylady
QR Parlamenti Májilisiniń Zańnama jáne sot-quqyqtyq reforma komıtetiniń músheleri otandyq shıkizattyq emes eksportty ilgeriletýge baǵyttalǵan eksporttyq-kredıttik agenttik týraly zań jobasyn qarady.
«Búgingi tańda aldymyzda 2025 jylǵa qaraı shıkizattyq emes eksport kólemin keminde eki ese ulǵaıtý mindeti tur. Qazaqstanda eksporttyq-kredıttik agenttik qurý máselesi osy maqsatqa jetý úshin qısyndy qadam bolmaq. Ol Reseıdegi EKSAR, Qytaıdaǵy Sinosure, Koreıadaǵy K-Sure, Germanııadaǵy Euler Hermes syndy memlekettik eksporttyq nesıelik agenttikteri arqyly álemdegi shıkizattyq emes eksportty damytýdyń álemdik tájirıbesine negizdelgen. Damyǵan elderde eksporttyq-kredıttik agenttikter eksportqa baǵdarlanǵan kásiporyndardy ilgeriletýmen aınalysady, olar arnaıy quqyqtyq mártebege ıe jáne Úkimetke esep beredi», - dep jazdy Q. Tórebaev Facebook jelisinde.
Bul másele sońǵy birneshe jyl boıy talqylanyp, ótken jyly zań jobasy múddeli memlekettik organdarmen jáne qoǵamdyq uıymdarmen kelisilip, keshe Májilistiń qaraýyna shyǵarylǵan.
Qujattyń maqsaty – Qazaqstanda de-ıýre eksporttyq saqtandyrý kompanııasy, is júzinde eksporttyq-kredıttik agenttik bolyp sanalatyn «KazakhExport» kompanııasy bazasynda tolyqqandy eksporttyq-kredıttik agenttik qurý.
«ıAǵnı, búginde eksporttyq-kredıttik agenttik fýnktsııalaryn is júzinde oryndap jatqan KazakhExport – zańdy túrde Ulttyq banktiń saqtandyrý qyzmetin júzege asyrýǵa lıtsenzııasy bar eksporttyq saqtandyrý kompanııasy, bul kompanııany qoldaý quraldaryn saqtandyrýmen, eksportty qaıta saqtandyrýmen shektep otyr. Kompanııany EKA-ǵa transformatsııalaý jáne elde shıkizattyq emes eksportty damytý men qoldaýdyń tolyqqandy ınstıtýtyn qurý eksporttyq operatsııalardan, sýbsıdııalaýdan, kepildendirýden bastap, ótkizý naryqtary, elderdiń taýarlar men qyzmetterge qajettilikteri máseleleri boıynsha servıstik qoldaýǵa deıin múmkindik beredi», - deıdi vıtse-mınıstr.
Eksporttaýshylar shaǵyn jáne iri bıznes klıentteri arasynda kólemi boıynsha bólinbeıdi. Kompanııa qyzmetterin qazaqstandyq kompanııalar erikti negizde paıdalana alady.
ıAǵnı, EKA quraldaryn eksporttaýshylar úshin qoldaný burynǵydaı mindetti bolmaıdy.
Ár kompanııa óziniń syn-qaterleri men qarjylyq múmkindikterin esepteıdi.
Biraq qajet bolǵan jaǵdaıda EKA eksporttaýshylardy qorǵaýdyń barlyq qajetti arsenalyn usyna alady.
«KazakhExport 2016 jyldan bastap 845 mlrd teńgeden astam somaǵa 196 eksporttaýshyǵa qoldaý kórsetken. Ótken jyly qoldaý somasy 259,1 mlrd teńgege jetti jáne 526 sheteldik satyp alýshylarmen saýda qatynastaryn jolǵa qoıǵan 80 eksporttaýshyny qamtydy. 2016-2022 jyldary KazakhExport Qazaqstan eksportyn qoldaý úshin 506,2 mlrd teńgege ekinshi deńgeıdegi bankterden qosymsha qarajat tartqanyn atap ótken jón», - dedi Qaırat Tórebaev.
