Qazaqstanda eksportty ilgeriletý jónindegi keńes qurý usynyldy

ASTANA. QazAqparat – Qazaqstanda eksportty ilgeriletý jónindegi keńes qurýdy usynamyn. Bul týraly Premer-mınıstrdiń orynbasary – saýda jáne ıntegratsııa mınıstri Serik Jumanǵarın Ózbekstanmen ekijaqty qatynas máselelerin talqylaý úshin kásipkerlermen kezdesýde aıtty, dep habarlaıdy QazAqparat «Atameken» ulttyq kásipkerler palatasyna silteme jasap.

Serik Jumanǵarınniń aıtýynsha, búginde Qazaqstanda eksportty ilgeriletýmen birqatar qurylym aınalysyp jatyr. Alaıda bul máselelerge ınstıtýtsıonaldyq turǵydan qarap, kásipkerlerdiń máselelerin sheshý qajet.

«Eksportty ilgeriletý jónindegi keńes qurýdy usynamyn. Keńes sheńberinde memlekettik organdar problematıkany túsiný jáne osy máselelerdi seriktes elderdiń áriptesterimen odan ári sheshý úshin turaqty negizde bıznespen keńesetin bolady», – dedi ol.

Spıker qazirgi kezde qazaqstandyq eksportty qorǵaý úshin qajetti ákimshilik múmkindikter ázirlenip jatqanyn aıtty. Bul sharalar otandyq kásipkerler tap bolyp jatqan kedergilerdi azaıtý úshin qolǵa alynǵan.

«Qazir Pákistanmen kelissóz júrgizip jatyrmyz. Osy elge eksport tómen ekenin baıqap otyrmyz. Suralǵan kólem joǵary, biraq jetkizýge qatysty qıyndyqtar bar», - dedi S.Jumanǵarın.

Málim etilgendeı, eksport turǵysynan tartymdy elder qatarynda Iran, Úndistan, Ázerbaıjan, Túrikmenstan, Óbekstan bar.

Sońǵy jyldary Qazaqstanda un eksportynyń tómendeýi baıqalady. Resmı derekter boıynsha, un eksporty 2012 jylǵy 1,2 mln tonnadan 2021 jyly 372,9 myń tonnaǵa deıin, ıaǵnı 3,3 ese tómendedi,. Bul rette bıdaı dániniń eksporty osy kezeńde 658 myń tonnadan 2,7 mln tonnaǵa deıin – 4,2 ese ósti.

Birinshi kezdesýde kásipkerler Ózbekstanmen saýda-sattyqta oryn alatyn máselelerdi jetkizdi. Atap aıtqanda, alkogol jáne temeki ónimderine aktsızderdiń saralanǵan mólsherlemelerin saqtaý, un eksporttaýshylar úshin teń emes jaǵdaılar, birqatar ónimderge qatysty tranzıttik eksporttyq ruqsatty kelisýdiń uzartylǵan merzimderi.

Foto: atameken.kz