Qazaqstanda eksporttaýshylardy qoldaıtyn arnaıy baǵdarlama iske qosyldy

NUR-SULTAN. QazAqparat – Qazaqstanda eksportqa negizdelgen kásiporynldarǵa qoldaý kórsetetin arnaıy baǵdarlama iske qosyldy. Bul týraly QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

«Meniń oıymsha, kelesi jańalyq bıznes ókilderine, onyń ishinde eksportqa negizdelgen kásiporyndarǵa qyzyqty bolady. Saýda mınıstrligi eksportqa saýda jasaǵysy keletin kásiporyndardy qoldaýǵa baǵyttalǵan QAZTRADE akselerator arnaıy baǵdarlamany iske qosty», - dedi mınıstr «Habar 24» telearnasynyń tikeleı efırinen.

Onyń sózine qaraǵanda, baǵdarlama ónim ótkizetin naryqtardy, taýardy satyp alýshylardy izdestirýge, sondaı-aq kelisimsharttardy bekitýge qoldaý kórsetedi.

«Mundaı kómek aqysyz negizde júrgiziledi», -dedi Dáýren Abaev.

Eske sala keteıik, Saýda jáne ıntegratsııa mınıstri Baqyt Sultanov QAZTRADE eksporttyq akselerator baǵdarlamasyna qatysty túsinik bergen bolatyn.