Qazaqstanda eksportshylardyń kólik shyǵyndaryn ornyna keltirý tujyrymdamasy ázirlenýde
ASTANA. 31 shilde. QazAqparat - Otandyq eksportshylardyń kólik shyǵyndarynyń 30 paıyzǵa deıingi kólemi «Eksportshy-2020» baǵdarlamasy aıasynda qaıtarylatyn bolady, dep habarlady «Kaznex Invest» eksport jáne ınvestıtsııa ulttyq agenttiginiń basqarma tóraǵasynyń orynbasary Meıirjan Maıkenov pm.kz saıtyna bergen suhbatynda.
«Biz qazir eksportqa taýar shyǵarýshylardyń kólik shyǵyndaryn ornyna keltirý mehanızmin oılastyrýdamyz, ol «Eskporter-2020» baǵdarlamasy sheńberinde 30 paıyzǵa deıingi kólemde memleket esebinen júzege asyryrady», - dedi «Kaznex Invest» tóraǵasynyń orynbasary.
Meıirjan Maıkenovtyń aıtýynsha, taýardyń paıdaly tartymdylyǵy, quramyna kólik shyǵyndary da enetin baǵajasamyna da baılanysty ekendigin kórsetip bergen eksportshy kásiporyndardyń jumysyna júrgizilgen taldaýlardan keıin, osy mehanızmdi ázirleýge sheshim qabyldanypty.
«Qazaqstandyq eksportshylar qazir kólik shyǵyndarynyń óte joǵary bolýyna oraı jıi qıyndyqtarǵa tap bolýda. Jaǵdaıdy taldaı kelip, biz kólik shyǵyndary negizinde qurylatyn baǵajasam saldarynan qazaqstandyq taýarlardyń kóp jaǵdaıda syrtqy naryqta básekege qabiletti bolmaı shyǵatynyn anyqtadyq. Osynyń kesirinen olar qazir jumys istep turǵan ótkizý naryǵynan da aıyrylyp qalýy múmkin», - dep atap ótti M.Maıkenov.
Búgingi kúni eksportshylardyń shyǵyndaryn ornyna keltirýdiń 9 túri bar, olardyń arasynda: ónimdi/taýarlyq belgini tirkeý jáne ónimdi sertıfıkattaýdy, otandyq ónimdi jarnamalaýdy, kásiporyn qyzmetkerlerin oqytýdy, franshıza tartýdy, veb-saıttar qurý men ashýdy, sheteldik naryqty marketıngtik zertteýdi ataýǵa bolady. Bul shyǵyndar boıynsha ornyna qaıtarý kólemi 50 paıyz. Atalǵan shyǵyndar qazaqstandyq óndirýshilerdiń eksporttiq mámilelerin súıemeldep otyratyndyqtan, kezeńdik bolyp tabylady.
«Otandyq eksportshylardyń shyǵyndaryn ornyna keltirý eksport kólemin 30-50% arttyrýǵa, sóıtip Qazaqstandaǵy eksportqa beıimdelgen óndiristi damytýǵa yntalandyrady», - dep qorytyndylady sózin Meıirjan Maıkenov.
«Eksporter-2020» eksportty damytý jáne jyljytý baǵdarlamasy qazaqstandyq shıkizat emes eksportty qarjylyq jáne servıstik qoldaý arqyly damytýdy jáne jyljytýdy kózdeıdi, bul óz kezeginde eksportqa beıimdelgen kásiporyndarǵa syrtqy naryqta óz oryndaryn ıelenip, eksporttyq qarym-qatynas ornatýǵa kómektesedi.
