Qazaqstanda eksport-ımport operatsııalary boıynsha «Biryńǵaı tereze» ashylady
«2019 jyldyń 27 naýryzynan bastap eksporttyq-ımporttyq operatsııalar boıynsha «Biryńǵaı tereze» portaly paıdalanýǵa engiziledi. Joba QR Qarjy mınıstrliginiń Memlekettik kirister komıteti jáne BUU Saýda jáne damý jónindegi konferentsııasymen júzege asyrylýda», - delingen Memlekettik kirister komıtetiniń baspasóz habarlamasynda.
«Biryńǵaı tereze» portalynyń kómegimen syrtqy ekonomıkalyq qyzmetke qatysýshylar eksporttyq-ımporttyq operatsııalarǵa qajetti aqparatty biryńǵaı ótkizý arnasy arqyly standartty túrde ala alady. Sonymen birge portal taýarlardy ákelý/áketý úshin qajetti aldyn-ala aqparaty alý múmkindigin ashady.
«Biryńǵaı tereze» arqyly elektrondy ruqsat qujattaryn jáne lıtsenzııalardy alý, keden isi salasynda qyzmetti júzege asyratyn tulǵalardyń mártebesin alý boıynsha elektrondy qyzmet, elektrondyq kedendik deklaratsııa, kedendik aldyn ala sheshimderdi berý boıynsha elektrondyq qyzmet, ıntegratsııalanǵan kedendik tarıf, anyqtama jáne tizim qujattary, normatıvti quqyqytyq qujattardy qaraý jáne izdeý qyzmetterin alýǵa bolady.
«Biryńǵaı tereze» portalynnyń resmı mekenjaıy - www.eokno.kgd.gov.kz . Portal jumysyna qatysty barlyq qosymsha suraqtar boıynsha +7 775 732 73 71 nómirine Telegram arqyly habarlasýǵa bolady.
