Qazaqstanda Eksımbank taratylatyn boldy
Atap aıtqanda, 2018 jylǵy 28 qarashada Almaty qalasynyń mamandandyrylǵan aýdanaralyq ekonomıkalyq soty «Eksımbank Qazaqstan» AQ-ny májbúrlep taratý týraly sheshim qabyldady. Úshinshi tulǵalardyń tarapynan sot aktisine shaǵym bolmaǵan jaǵdaıda, túpkilikti formada sheshim shyǵarylǵan kúnnen bastap 30 kún ishinde sheshim zańdy kúshine enedi.
Bankti májbúrlep taratý týraly sot sheshimi zańdy kúshine engen kúni UB banktiń taratý komıssııasyn taǵaıyndaıdy.
«Májbúrlep taratý rásiminiń ózi Bankter týraly zańnyń talaptaryna, Qazaqstan Respýblıkasynda bankterdi májbúrlep taratý qaǵıdalaryna jáne ózge de zańnamalarǵa sáıkes júzege asyrylady», - delingen habarlamada.
«Eksımbank Qazaqstan» AQ-ny taratý týraly sheshim zańdy kúshine engen kúnnen bastap 14 jumys kúni ishinde QDKQ Qazaqstanda jumys istep turǵan bankterdiń qaısysy Eksımbank Qazaqstan salymshylarymen tólem júrgizý jónindegi agent retinde jumys istep, salymshylarmen esep aıyrysatyndyǵyn habarlaıdy.
QDKQ tańdalǵan agent-bankti jarııalaǵannan jáne kepildikti ótemaqyny tóleý bastalǵannan keıin, salymshylar osy agent-banktiń fılıalyna kepildikti ótemaqy tóleýge arnalǵan ótinish jasaǵany durys. Bul rette salymshynyń ózimen birge jeke kýáliginiń nemese tólqujatynyń bolýy jetkilikti. Eger salymshynyń ornyna basqa tulǵa ótinish berse, onda quqyq belgileıtin qujattardy (muragerlik týraly kýálik, senimhat, depozıtke talap etý quqyǵyn berý týraly shart) usynýy qajet.
Kepildikti ótemaqy tóleý qolma-qol aqshamen nemese salymshynyń basqa banktegi shotyna aýdarymmen ǵana júzege asyrylatyn bolady. Bul rette salymshynyń alynǵan kepildi ótemaqyny agent-banktiń shotynda qaldyrýǵa múmkindigi bar. Barlyq kepildi ótemaqylardy tóleý tek ulttyq valıýta - teńgemen júzege asyrylady. Shetel valıýtasyndaǵy depozıtter boıynsha kepildikti ótemaqyny esepteý úshin bankti májbúrlep taratý týraly sot sheshimi zańdy kúshine engen kúni belgilengen valıýtalar aıyrbastaýdyń naryqtyq baǵamy paıdalanylady.
Salymshylar depozıtterge kepildik berý máseleleri boıynsha qosymsha aqparatty QDKQ saıtyndaǵy «Salymshylarǵa» bóliminen alýyna bolady.
Budan basqa, salymshylar myna telefondar arqyly: +7 (727) 312 24 37, +7 (727) 312 24 38, +7 (727) 312 24 39 ne 8 8000 80 10 20 shuǵyl jeli nómiri boıynsha habarlasa alady (Qazaqstan boıynsha qońyraý soǵý tegin).
Sonymen birge salymshylar qyzyǵýshylyq tanytatyn máseleleri boıynsha «Eksımbank Qazaqstan» AQ-tyń +7 (727) 250 06 00 call - ortalyǵyna júgine alady.