Qazaqstanda ekpeden jıi bas tartatyn úsh óńir ataldy

NUR-SULTAN. QazAqparat - QR DSM Qoǵamdyq densaýlyq saqtaý komıtetiniń tóraǵasy - Bas memlekettik sanıtarııalyq dáriger Jandarbek Bekshın ekpeden bas tartý jaǵdaıy kóp kezdesetin úsh óńirdi atady, dep habarlaıdy QazAqparat tilshisi.

«Vaktsınadan bas tartý - tek Qazaqstandaǵy emes, álemdik problema. Qazirgi ýaqytta saraptap otyrsaq, dárihanalarda kezek qys kezinde kóbeıip ketedi de, jazǵy ýaqytta dárihanalar bos turady. Sol sebepti, osy dári-dármekterdi satatyn kompanııalar árıne, eń úlken úlesti, qarajatty - dál osy qysta, vaktsınatsııamen basqarylatyn aýrýlar órshigen kezde jınaıdy. Mysaly, tumaýdy biz vaktsınatsııalaýmen basqarýymyz múmkin. Vaktsınatsııa júrgizilse, tumaýdy aldyn alýǵa bolady. Qyzylshaǵa qarsy ekpeden ótsek, ol syrqat ta azaıady. Satatyn dári-dármekter de saý adamǵa qajeti bolmaı qalady», - deıdi Jandarbek Bekshın OKQ-da ótken baspasóz máslıhatynda.

Onyń aıtýynsha, qazirgi ýaqytta elimizde 26 mlrd teńgege vaktsınalar satylyp alynady.

«Al elimizdegi aınalymda bolyp jatqan dári-dármektiń kólemi - 600-800 mlrd teńgege deıin barady. Biz kóptegen aýrýlardy baıqaımyz: atıt, sınýsıt, bronhıt - sozylmaly aýrýlarǵa aınalyp ketedi. Olardyń kóbi osy ınfektsııalarmen basqarylatyn aýrýlardyń asqynýy ǵoı. Erteń biz vaktsınatsııadan ótsek, asqynýlar bolmaıdy. ıAǵnı, dári-dármekti paıdalaný mólsheri tómendeıdi. Osyndaı qorytyndy jasaýǵa bolady. Sol sebepti, barshańyzdy vaktsınatsııaǵa shaqyramyz. Mysaly, bireý kelip, tumaýdan qatty aýyrǵanyn, jany qınalǵannan keıin jyl saıyn vaktsınatsııadan ótetinin aıtady. El ishinde bul rette kóptiń kózqarasy ózgerip kele jatqanyn atap ótý kerek», - deıdi ol.

Bekshınniń aıtýynsha, vaktsınalarǵa qatysty qoǵamdyq pikirge kóbine adam toptary, ınternettegi nemese baspasózdegi vaktsınatsııanyń qajettiligi jáne onyń qanshalyqty qaýipsiz ekeni týraly suraq qoıylatyn jarııalanymdar áser etedi.

«Budan basqa, barlyq elderde osal jáne qol jetkizýi qıyn egilmegen adam toptary bar. Olar keıin ınfektsııalyq aýrýlardyń órshýin týdyrady. Etıkalyq jáne dinı sebepter boıynsha ımmýndaýdan bas tartatyn adamdar bar. Osy toptardyń barlyǵy aýrýlardan qorǵalmaǵan. 2018 jyly respýblıkada profılaktıkalyq egýlerden bas tartýdyń 5750 jaǵdaıy tirkeldi. Aldyńǵy jyldarmen salystyrǵanda bıyl jeke senimi boıynsha bas tartýdyń basym ekenin atap ótý qajet», - deıdi Bekshın.

Onyń aıtýynsha, vaktsınadan bas tartý jaǵdaıy boıynsha Atyraý, BQO men Aqtóbe oblysynda aldyńǵy qatarda tur.

«Ol óńirlerde dinı senimi boıynsha vaktsınadan bas tartyp jatady. Osyǵan baılanysty halyqpen medıtsınalyq baǵyttaǵy jumystardy kúsheıtýge tyrysýdamyz», - deıdi ol.