Qazaqstanda ekonomıkalyq qylmystardy qozǵaý tásilderi ózgerdi
Bul týraly búgin «Atameken» UKP-nyń IV sezi barysynda QR Bas prokýrorynyń orynbasary Marat Ahmetjanov málim etti, dep habarlaıdy QazAqparat.
Onyń aıtýynsha, elimizde ekonomıkalyq qylmystardy qozǵaý tásilderi ózgerip, endigi ýaqytta olar tekserý aktileri men zalal bolǵan jaǵdaıda ǵana tirkeledi. Sonyń nátıjesinde ekonomıkalyq qylmystar 4 esege tómendegen. Sonymen qatar ol qylmystyq qýdalaýdy qysqartý jolymen qalypty salyqtyq ákimshileý úshin jaǵdaı jasalatyndyǵyn atap ótti. Táýekelderdi baǵdarlaý júıesine tolyqtaı ótý barlyǵyn birdeı tekserý júrgizýge jol bermeıtindigin, ıaǵnı naqty krıterııler boıynsha iriktelip júrgiziletindigin aıtty.
«Máselen, aınalymy óte úlken, taýar jetkizý kórsetkishi joǵary. Biraq kásiporynnyń qyzmetkeri de, tehnıkasy da, odan qaldy keńsesi de joq. Dabyl birden júıege túsedi. Deklaratsııa jıi túzetiledi. Qujattar ózgertiledi. Bul da dabyl. Qaýipti aımaqqa tústim degenshe tekseristi kúte ber. Memlekettik kirister komıteti eń úzdik dúnıejúzilik tájirıbeni engizedi. Jańa tehnologııalar, elektrondy esepshot túbirtekteri, qolma-qol aqshasyz esep aıyrysý, depozıttik qosylǵan qun salyǵy esebi. Osynyń barlyǵy operatsııalardy ashyq ári zańdy etedi», - dedi Marat Ahmetjanov.
Sonymen qatar Bas prokýrordyń orynbasary jalǵan kásipkerlikti dekrımınalızatsııalaý keleńsiz saldar týdyrmaıtynyna basa nazar aýdardy. Sebebi salyq tóleýden jaltarý boıynsha qylmystyq jaýaptylyqtyń qalǵanyn atap ótti.