Qazaqstanda ekonomıkalyq qylmystardy anyqtaýda turaqty ósý dınamıkasy baıqalady
"Keıingi úsh jyl ishinde ekonomıkalyq qylmystardy anyqtaýda turaqty ósý dınamıkasy baıqalady. 2013 jyly 7 165 qylmys tirkelgen, onyń ishinde 83%-yn qarjy polıtsııasy organdary, 712 qylmysty ishki ister organdary anyqtaǵan. Qylmystan kelgen zııannyń anyqtalǵan somasy 220,9 mlrd. teńgeni qurady. 102,9 mlrd. teńge kólemindegi zııannyń orny toltyryldy", - dep atap ótti ol. Onyń aıtýynsha, qylmystar qurylymynda jalǵan kásipkerlik, jalǵan aqsha jasaý, ekonomıkalyq kontrabanda, salyq tóleýden jaltarý faktilerimen baılanysty áreketter basym.
Sonymen qatar bul salada edáýir kemshilikter men qoldanylmaı otyrǵan rezervter bar. Bas prokýror atap ótkendeı, jumystyń tıisti tıimdiligine quqyq qorǵaý jáne fıskaldyq mekemelerdiń áreketindegi úılesimdiliktiń jáne kelisimdi jumystyń jetkiliksizdigi kedergi keltiredi. Sondaı-aq salyq jáne qarjy-nesıe salalaryndaǵy qarjylyq teris paıdalanýshylyq pen qylmys kózderin anyqtaýmen baılanysty problemalar atap ótildi.
