Qazaqstanda ekologtar kásiporyn shyǵaryndylaryn onlaın baqylaı alady
ÓSKEMEN. QazAqparat - «Aqparattyq Qazaqstan - 2020» memlekettik baǵdarlamasy aıasynda 1 sanatqa jatatyn QR kásiporyndarynyń jartysy qorshaǵan ortaǵa tastalatyn shyǵaryndy emıssııalarynyń onlaın-monıtorıngin qamtamasyz etýi tıis, dep habarlaıdy «QazAqparat» HAA tilshisi Ekologııalyq qaýipsizdik ortalyǵyna silteme jasaı otyryp.
Arnaıy qurylǵylar iri kásiporyndardyń barlyq lastaý kózderine ornatylady. Ol shyǵaryndynyń sapasy, mólsheri jaıly aqparatty tikeleı berip, alynǵan derekter memlekettik ekologııalyq qurylymdarǵa beriledi.
ShQO-da 134 kásiporyn monıtorıngpen qamtylǵan. Olardyń jartysy jumysty 2017 jyly bastaıdy. Ázirge bul derekterdi kimniń baqylaıtyny anyqtalǵan joq, menińshe, bul memlekettik monıtorıng bolýy tıis», - dedi ShQO ekologııa departamentiniń basshysy Dmıtrıı Kavrıgın.
Ol sondaı-aq qurylǵy kásiporyn esebinen ornatylatynyn eskertti, qazir Ekologııa departamenti ónerkásipshilerdi ózderiniń ekologııalyq jobalaryna onlaın-monıtorıng júıesin engizý qajettigi týraly habarlady.
