Qazaqstanda ekinshi naryqtaǵy turǵyn úıge arnalǵan tsıfrlyq ıpoteka iske qosylady

ASTANA. KAZINFORM – Elimizde «Tsıfrlyq ıpoteka» jobasy aıasynda ekinshi naryqtaǵy jyljymaıtyn múlikke notarıaldyq mámilelerdi onlaın rásimdeý pılottyq rejımde bastaldy.

Tıisti birlesken buıryqqa QR Ádilet mınıstri Erlan Sarsembaev pen QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev qol qoıdy.

Atalǵan joba azamattarǵa páterdi satý-satyp alý mámilesin qashyqtan – bank qosymshasy nemese saıty arqyly júrgizýge múmkindik beredi. Ótinim berýden bastap nesıe shartyn rásimdeýge, satyp alý-satý kelisimin bekitýge jáne menshik quqyǵyn tirkeýge deıingi barlyq protsess tolyq tsıfrlyq formatta ótedi. Bul úshin beıneqońyraýlar, elektrondyq tsıfrlyq qoltańba (ETsQ) jáne memlekettik derekter bazalarymen ıntegratsııa qoldanylady.

Pılottyq jobaǵa qatysý úshin ekinshi deńgeıli bankter aqparattyq qaýipsizdik talaptaryna saı bolýy, jeke derekterge qol jetkizýdi baqylaý servısine qosylýy jáne memlekettik júıelermen ıntegratsııany qamtamasyz etýi qajet.

Ekinshi naryqtaǵy turǵyn úıge «Tsıfrlyq ıpoteka» qalaı júzege asady

Joba sheńberinde qashyqtan rásimdeý protsesi birneshe kezeńnen turady:

1. Ipotekaǵa ótinim berý– Satyp alýshy bank saıtynan nemese qosymshasynan «Tsıfrlyq ıpoteka» baǵdarlamasyn, «Ekinshi naryqtaǵy turǵyn úı» ónimin tańdaıdy.

– Turǵyn úı baǵasyn, bastapqy jarnany, qaryz merzimin jáne óteý ádisin engizedi.

– Aı saıynǵy tólemniń aldyn ala esebin alady.

– Jeke derekterdi óńdeýge kelisimdi SMS pen Derbes derekterge qol (DDQ) jetkizýdi baqylaýdyń memlekettik servısi arqyly rastaıdy.

2. Aldyn ala sharttar

– Bank ótinimdi qaraıdy, qaryz somasyn, paıyzdyq mólsherlemeni, merzimdi, aı saıynǵy tólem men artyq tólemdi kórsetedi.

– Bas tartylǵan jaǵdaıda balama usynys beriledi.

3. Jyljymaıtyn múlik týraly aqparat

– Satyp alýshy páter jáne satýshy derekterin engizedi.

– Satýshyǵa SMS arqyly jeke basyn jáne menshik quqyǵyn rastaý siltemesi jiberiledi.– Jyljymaıtyn múliktiń biryńǵaı memlekettik kadastry aqparattyq júıesinde menshik quqyǵy men shekteýler avtomatty túrde tekseriledi.

– Táýelsiz baǵalaý júrgiziledi.

4. Banktiń sońǵy sheshimi

– Satyp alýshy bank usynǵan sońǵy sharttardy kórip, olardy rastaıdy.

– Ótinimdi qaraý úshin komıssııa tólenedi.

5. Satyp alý-satý shartyn rásimdeý

– Mámile oflaın nemese tolyq onlaın formatta júzege asady.

– Onlaın mámile bank saıtynda/qosymshasynda beıneqońyraý jáne ETsQ arqyly júrgiziledi.– Satýshy men qajet bolǵan jaǵdaıda jubaıy (zaıyby) vıdeoıdentıfıkatsııadan ótedi jáne kelisimin DDQ servısi arqyly beredi.

– Notarıýs derekterdi tekserip, shartty bekitedi jáne qatysýshylarmen beıneqońyraý ótkizedi.

– Barlyq tarap qol qoıǵannan keıin notarıýs mámileni BNAJ jáne Jyljymaıtyn múliktiń biryńǵaı memlekettik kadastry júıesinde tirkeıdi.

6. Qujattarǵa qol qoıý jáne nesıe berý

– Nesıe jáne kepil sharttaryna qatysty qujattarǵa ETsQ arqyly qashyqtan qol qoıylady.

– Bank qaryz somasyn satyp alýshynyń esepshotyna, odan keıin satýshynyń esepshotyna aýdarady.

– Mámile týraly jazbalar bank/platforma tarapynda 15 jyl saqtalady.Birlesken buıryq 22 qyrkúıekten bastap kúshine enip, 12 aıǵa deıin qoldanysta bolady.

Buǵan deıin salynyp jatqan úıden Otbasy bank arqyly ıpoteka rásimdeýge qandaı talap qoıylatynyn jazǵanbyz.