Qazaqstanda ekinshi medbıke koronavırýs juqtyrdy
NUR-SULTAN. QazAqparat - Elimizde ekinshi medbıke koronavırýs juqtyryp aldy, dep habarlaıdy QazAqparat QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetine silteme jasap.
Birinshi medbıke indetti Atyraý oblysynda juqtyrǵanyn buǵan deıin jazǵan bolatynbyz.
Ekinshi jaǵdaı Qyzylorda oblysynda anyqtaldy.
«Oblys ortalyǵynda turatyn 23 jastaǵy turǵynnan túnde alynǵan synamalardyń qorytyndysy oń nátıje kórsetti. Ol emhanada medbıke bolyp jumys isteıdi jáne keshe koronavırýs dıagnozy rastalǵan naýqasqa em-dom jasaǵan. Onymen jaqyn baılanysta bolǵan 16 adam karantınde, qalǵany úı jaǵdaıyndaǵy karantınde», - delingen aqparatta.
Osy ýaqytta Qazaqstanda indetti juqtyrýdyń rastalǵan 271 oqıǵasy tirkeldi.
