«Qazaqstanda «ekinshi Las-Vegas» paıda bola ma?!» - respýblıkalyq basylymdarǵa sholý

                              ***

   Qarashanyń 11-inde Aqordada Qazaq­stan Respýblıkasynyń Prezı­den­ti Nursultan Nazarbaev eki kún­dik memlekettik saparmen As­ta­naǵa kelgen Slovenııa Respýb­lı­kasynyń Prezıdenti Danılo Tıýrk­pen kezdesip, shaǵyn jáne keńeıtilgen quramda kelissóz júrgizgen bolatyn. Onyń barysynda tarap­tar eki memlekettiń yntymaq­tas­tyǵyn ári qaraı damytýdyń bo­lashaǵy zor ekendigin atap ótken edi. Osy mańyzdy jaıtqa oraı «Egemen Qazaqstan» gazetiniń búgingi sanynda «Strategııalyq áriptestiktiń áleýeti zor» degen taqyryppen maqala jaryq kórdi. «Búginde Slovenııa Ońtústik-Shyǵys Eýropada, al Qazaqstan Or­talyq Azııada asa qarqyndy damyp kele jatqan memleketter, dedi Slovenııa Prezıdenti Danılo Tıýrk kelissóz barysyndaǵy só­zin­de. Eýropalyq Odaq Qazaqstandy óńiraralyq yntymaqtastyq úde­ris­terine belsendi qatysýshy, ha­lyq­aralyq deńgeıdegi asa sal­maq­ty el retinde erekshe mańyzdy strategııalyq áriptes dep biledi. Slovenııa 2005 jyly EQYU-ǵa tór­aǵalyq etti, kelesi jyly Qa­zaq­stan osy bedeldi halyqaralyq uıymǵa tóraǵalyq etetin bolady. Qazaqstan men Slovenııa qaty­nastarynyń keleshegi kemel, bola­shaǵy zor ekenin Qazaqstan Pre­zı­denti Nursultan Nazarbaev ta atap ótti. Elbasy mártebeli meı­man­nyń shynaıy lebizine rıza­shy­lyǵyn bildire kelip, álemdik eko­nomıkalyq daǵdarysqa qaramas­tan, Qazaqstan - Slovenııa qaty­nastary oıdaǵydaı damyp kele jat­qanyna toqtaldy», dep jazady basylym.

     Keshe Astanadaǵy «RІXOS» qonaq úıiniń májilis zalynda Elbasy Nursultan Nazarbaev Qazaqstan Res­pýb­lıkasy Prezıdentiniń «Altyn sapa» syılyǵyna usynylǵan konkýrs jeńimpazdaryn marapattady. Shara barysynda Elbasy «Jyl saıyn «Altyn sapa» syı­lyǵyn tapsyrýǵa men ózim tike­leı qatysyp kelemin. Sol arqyly men bul máseleniń memlekettik mańyzy bar ekendigin erekshe atap kórsetkim keledi. Sapa salasyndaǵy qazirgi qazaq­stan­dyq kóshbasshy­lardyń je­tis­tigi barlyq otandyq kásipkerlerge úlgi bolǵanyn qalaımyn. «Altyn sapa» syılyǵyn alý - bul tek teh­nologııa men me­ned­jmentte qol jetkizgen jetistik­ke berilgen jo­ǵa­ry baǵa ǵana emes. Bul - sol kom­pa­nııanyń barlyq eńbekkerleriniń jaýap­kershiligine, azamattyǵyna jáne patrıottyǵyna berilgen baǵa. Mine, naq osyndaı qasıetter ǵana Qa­zaqstanda suranysqa ıe bolýy kerek», depti. Osy is-sharaǵa oraı «Egemen Qazaqstan» gazetiniń juma kúngi nómirinde «Altyn sapa» - júzden júırikter syılyǵy» atty maqala basyldy.

    «Memleket basshysy Nursultan Nazarbaev «Altyn sapa-2009» konkýrsynyń jeńimpazdaryn marapattaý rásimine qatysty», dep jazady «Kazahstanskaıa pravda». Basylym aǵymdaǵy jyly sapa salasyndaǵy basty nagradaǵa 119 shaǵyn, orta jáne iri bıznes kásiporyndar úmitti bolǵandyǵyn atap ótken. Al osy sharaǵa oraı  «Ekspress K» gazetinde jaryq kórgen maqalada Memleket basshysy bıznes qaýymdastyqty eldiń ındýstrıaldyq-ınnovatsııalyq damý baǵdarlamasyna belsendi qosylýǵa shaqyrǵandyǵyn jazǵan.

Bul mańyzdy is-shara «Aıqyn», «Lıter» gazetteriniń de nazarynan tys qalmaǵan.

   «Egemen Qazaqstan» basylymnyń dástúrli «Úkimet» aptalyǵynda «Jańa astyq jáne jańasha kózqarastar. Úkimet astyq eksporty máselesin qalaı sheshýde?», «Tyń tujyrymdama. Álemdik qarjy júıesiniń qatelikterinen saqtandyrady», «Nesıe men násip», «Munaı-hımııa kesheniniń damý kókjıegi» degen taqyryptarmen maqalalar toptamasy berilgen.

Sondaı-aq  «Egemen Qazaqstan» gazeti óziniń 90 jyldyq mereıtoıyna oraı basylym redaktory bolyp qyzmet atqarǵan Qasym Sháripov pen   basylym  tarıhynda  óz  izi  qalǵan Nurıden Muftah týraly kólemdi maqalalar jarııalaǵan. 

***

«Elbasynyń bastamasy Afınyda talqyǵa salynady». Osy taqyryppen «Aıqyn» gazetiniń juma kúngi nómirinde maqala jaryq kórdi. Basylymnyń jazýynsha, Elbasynyń aldaǵy jyly Astanada Eýropadaǵy Qaýipsizdik jáne Yntymaqtastyq uıymyna múshe elderdiń memleket basshylarynyń sammıtin ótkizý jónindegi usynysy barǵan saıyn qoldaý taýyp jatyr. Bul bastamany qyzý qoshtap, quptaǵan Frantsııa, Italııa basshylarynyń qataryna keshe Slovenııa qosylǵany málim. Maqalada keshe QR Memlekettik hatshysy, Syrtqy ister mınıstri Qanat Saýdabaevpen EQYU Bas hatshysy Mark Perren de Brıshambomen kezdesken. «Mártebeli meıman jýrnalısterge Nursultan Nazarbaevtyń eýropalyq osy uıymnyń memleket basshylarynyń Sammıti týraly bastamasyn alda Afınada ótetin EQYU múshe elderiniń syrtqysaıasat vedomstvolary basshylarynyń kezdesýinde talqylaý josparlanyp otyrǵanyn habarlady» dep jazady basylym.

Osy basylymnyń dástúrli «Aq sóıle!» aıdarynyń búgingi qonaǵy Memlekettik tildi qoldaý qorynyń dırektory - Berik Ábdiǵalı. Basylym qonaǵy tilshiniń salmaqty suraqtaryna tolymdy jaýap bergen. Suhbat barysynda qor dırektory «Alashtyqtardyń tusynda «elshil» degen sózdi jıi aıtatyn bolǵan, ol kezde ultshyl degen sóz shyqpady ǵoı. Al elshil degenimiz - eldiń qamyn oılaǵan azamattar. Keńes Odaǵy tusynda ultshyl degendi - natsıonalıst dep keri nasıhattady. Al bizdiń zamanymyzda ultjandy degen sóz shyqty. Biz buǵan durys baǵa bere alsaq, ol da jaqsy sóz. Ultjandy degen ultshyldyń basqa maǵynasy, elshildiń - jańa zamanǵy nusqasy, elin, ultyn oılaǵan azamat degen sóz», degen pikir bildirgen. Ekeýara áńgime «Astanadaǵy Kenesary eskertkishin Elbasy óz bastamasymen qoıdy» degen taqyryppen jaryq kórdi.

Taıaýda «Samuryq-Qazyna» ál-aýqat qorynyń jetekshisi Qaırat Kelimbetov daǵdarysqa qarsy kúres baǵdarlamasy boıynsha atalǵan memlekettik holdıngtiń atqarǵan isteri jaıly jan-jaqty málimdeme jasaǵan bolatyn. Osyǵan oraı «Aıqyn» gazetinde «Úıdiń baǵasy áli arzandaıdy» degen taqyryppen maqala jarııalandy. Basylymnyń jazýynsha, eger Prezıdenttiń atqarýshy bılikke júktegen jeti mindeti, onyń ishinde qurylys salasyna qatysty tapsyrmasy oryndalar bolsa, Qazaqstandaǵy eń qymbat turǵyn úı sharshy metriniń baǵasy 500 dollardyń o jaq bu jaǵynan kórýge bolady eken. Bul rette baǵanyń arzandaýyna otandyq energetıkalyq jeliniń damytylýy da, ári-beridesin satyp alǵan úıdi belgili bir merzim ishinde qaıyra satyp, tabys tabýshy deldaldyq kásipkerlikke tosqaýyl qoıylýy da oń áser etpek.

***

«Qazir jer-jerde ıslam qarjy júıesine qyzyǵýshylyq oıanyp keledi. Óıtkeni, sarapshylar álemdik qarjylyq daǵdarys kezinde ıslam qarjy júıesimen qyzmet etip otyrǵan elderde daǵdarystyń pálendeı ýshyqpaǵanyn jazady. Qazaqstan da ıslam bankınginiń qyzmetine múddelilik tanytyp otyr. Bıylǵy jyldyń aıaǵyna qaraı elimizde ıslam banki ashylmaqshy. El ishinde ıslam qarjy júıesi qyzmeti kelgennen keıin jumys isteýge mamandar keregi sózsiz. Biz maman ataýlyny shetten tartatyn bolsaq, ol kádimgideı úlken shyǵyn. Sondyqtan elimizdiń joǵary oqý oryndarynda ıslam qarjy júıesine maman daıarlaý talaby týyndaýda. Qazir bul mindetti Almatydaǵy Bank isi akademııasy qolǵa alyp otyr. Olar Malaızııanyń Selangor halyqaralyq ıslam ýnıversıteti-kolledjimen ıslam qarjy salasy mamandyǵy boıynsha bilim berý baǵdarlamasyn birigip júzege asyrý maqsatymen kelisim-shart jasasty», dep jazady «Ekonomıka» basylymy.

Aǵymdaǵy jyly Q.Sátbaev atyndaǵy Qazaq ulttyq tehnıkalyq ýnıversıtetiniń 75 jyldyq mereıtoıy. Osynaý aıtýly dataǵa oraı atalǵan bilim ordasynyń rektory, QR UǴA-nyń qurmetti akademıgi, Halyqaralyq ınjenerlik akademııanyń akademıgi, professor Jeksenbek Ádilov «Ekonomıka» basylymynyń búgingi sanynda «Alda - bıik asýlar» degen taqyryppen kólemdi maqala bergen.

     «Qazaqstanda «ekinshi Las-Vegas» paıda bola ma?!». Osy taqyryppen «Ekonomıka» gazetiniń juma kúngi nómirinde maqala jaryq kórdi. Basylymnyń jazýynsha, jaqynda sheteldik baspasózde amerıkandyq qurylys merdigeri Mark Adventtiń Qazaqstannyń ońtústik-shyǵysynda týrısterdi tartý maqsatynda Las-Vegastyń kóshirmesin salmaq esebi bar ekeni týraly aıtylǵan. Jobanyń jalpy quny 25 mlrd. dollardan 30 mlrd. dollarǵa deıin jetýi múmkin dep shamalanady. Keshendi Qazaqstannyń ońtústik astanasy Almatydan soltústikke qaraı 70 shaqyrym jerde jáne 11 500 gektar aýqymda salý josparlanyp otyrǵan kórinedi. Joba boıynsha, onda 25 kazıno, bólmeleriniń jalpy sany 42 000 bolatyn meımanhanalar, 275 000 turǵyn úı jáne 1000 meıramhana salynbaq eken.

***

Respýblıkalyq basylymdar qarashanyń 9-y kúni «AstanaÓnerkásip» JShS-i óndiristik-tehnologııalyq kesheninde oryn alǵan órtke qatysty materıaldardy áli de jarııalap jatyr. Máselen, búgin qarashanyń 13-inde jaryq kórgen «Ekspress K» gazetiniń jazýynsha Astana qalalyq máslıhaty órt kezinde qaza tapqan azamattardyń otbasylarynyń árqaısysyna 1 mıllıon teńgeden qarjy bólý týraly sheshim qabyldaǵan. Al «Panorama» gazetiniń jazýynsha, máslıhatqa  qarjy bólý týraly ótinishti qala ákimi Imanǵalı Tasmaǵambetov jasaǵan jáne onyń usynysy biraýyzdan qoldaýǵa ıe bolǵan.

Osy taqyrypty jalǵastyrǵan «OKO» basylymy «respýblıkanyń ár óńirindegi bizdiń tilshilerimizdiń maqalalary eldiń barlyq áleýmettik mekemelerinde tek órt qaýipi ǵana emes, sonymen qatar olardyń qurǵaq oq-dári sııaqty kez-kelgen ýaqytta jarylýy múmkindigine de dálel bola alady», dep jazady. Gazet tek qana sońǵy birneshe jylda Soltústik Qazaqstan oblysynyń jalpy bilim berý mektepterinde 8 ret órt bolǵandyǵyn, aǵymdaǵy jyldyń ózinde de osyndaı 2 tótenshe jaǵdaı oryn alǵandyǵyn atap ótken.