Qazaqstanda eki halyqaralyq poshta markasy shyǵaryldy

Bul týraly búgin «Qazposhta» AQ poshtalyq tóleý belgileri basqarmasynyń bastyǵy Maıra Abdýllına aıtty, dep habarlaıdy QazAqparat tilshisi.

«Markalar tabıǵattyń faýna men flora túrine arnalǵan. Olardyń betinde dolana ósimdigi men ıtaıý beınelengen. Eger tehnıkalyq sıpattama beretin bolsaq, markanyń árqaısysy 100 myń danadan shyǵaryldy. Biz markalarymyzǵa janýarlar men ósimdikterdiń túrlerin ornalastyrǵanda QR Bilim jáne ǵylym mınıstrliginiń Zoologııa jáne bıologııa ınstıtýty mamandarynyń usynymdaryn paıdalanamyz», - dedi M.Abdýllına.

Qazposhta markalarynda sýrettelgen janýarlar men ósimdikterdiń barlyq túrleri Qazaqstannyń Qyzyl kitabyna engizilgendigin atap ótken jón. Qazaqstannyń bıoártúrliligin saqtaý qorynyń dırektory Bolat Ótkelov markalardyń qyzmetine toqtalyp ótti. «Olardyń biri konverttiń betine jabystyrylyp, muhıttyń arǵy betine ketedi, al biri -  elimizdiń ishinde júredi. Degenmen, bul markalardyń taǵy bir qyzmeti bar. Ol - bıoártúrlilik týraly jurtshylyqty  habardar etý. Markalar adamdardy tabıǵatty qorǵaýǵa shaqyrýǵa kómektesedi», - dedi B. Ótkelov.