Qazaqstanda eki fýtbol komandasynyń oıyny kúmán týǵyzdy
NUR-SULTAN.QazAqparat – Qazaqstan fýtbol federatsııasy jáne Qazaqstan kásipqoı fýtbol lıgasy «Qyzyl-Jar SK M» – «SD Family» kezdesýiniń nátıjesin tekseredi, dep habarlaıdy QazAqparat.
Qazaqstan kásipqoı fýtbol lıgasynyń aqparatyna sáıkes, Ekinshi lıga komandalary arasyndaǵy Birinshiliktiń 5-týr oıyny kúmán týǵyzǵan.
«Úshinshi toptyń «Qyzyl-Jar SK M» – «SD Family» kezdesýi Qazaqstan fýtbol federatsııasy jáne Qazaqstan kásipqoı fýtbol lıgasy tarapynan qosymsha tekseriledi. Qazir atalǵan kezdesýdegi býkmekerlik keńselerdiń kotırovkalary, sonyń ishinde Live rejımindegi koeffıtsentter jáne oıynnyń beınejazbasy zerttelýde. Sonymen qatar oıynnyń resmı ókilderin surastyrý jumystary qolǵa alyndy» delingen fýtbol lıgasynyń resmı saıtyndaǵy aqparatta.
Arnaıy mamandardyń tekseris qorytyndysy resmı saıtta qosymsha habarlanady.
