Qazaqstanda eki adamdy óltirgen kúdikti Tatarstanda quryqtaý kezinde qaza tapty - QR ІІM
ASTANA. 24 naýryz. QazAqparat /Jasulan Amanbaıuly/ - Qazaqstanda eki adamdy óltirgen kúdikti Tatarstanda quryqtaý kezinde qaza tapty.
Bul týraly búgin Astanada ótken aptalyq brıfıngte QR ІІM-niń baspasóz qyzmetiniń bastyǵy Qýanyshbek Jumanov málim etti.
Vedomstvo baspasóz qyzmetiniń bastyǵy habarlaǵanyndaı, 50 jastaǵy kúdikti eki kisi óltirý qylmysyn 2009 jyly Aqsaı qalasynda jasaǵan. Tatarstanda birlesken arnaıy operatsııa kezinde kúdikti polıtseılerge qarýly qarsylyq kórsetip, quqyq qorǵaý organdarynyń qyzmetkerlerin jarýǵa da árekettengen. Bul oıyn júzege asyra almaǵandyqtan, keıin kúdikti polıtsııa qyzmetkerlerine qarý kezenip, oq atýǵa árekettenbek bolǵan. Alaıda, Q. Jumanovtyń sózi boıynsha, polıtsııa qyzmetkerleri onyń áreketteriniń jolyn ýaqtyly kesip úlgergen.
«Іzdestirýdeginiń qarýly qarsylyǵynyń jolyn kesý barysynda Tatarstan Іshki ister basqarmasynyń qyzmetkeri tabeldik qarýdy qoldanyp, nátıjesinde izdestirýdegi adam alǵan jaraqattardan qaıtys boldy»,-dep atap kórsetti Q. Jumanov.
Qazirgi ýaqytta Qazaqstannyń ІІM Aqsaı qalasyndaǵy kisi óltirý faktisi boıynsha salystyrmaly ballıstıkalyq saraptamalar júrgizý úshin Tatarstannyń ІІM-nen sot-medıtsınalyq jáne ballıstıkalyq saraptamalardyń qorytyndylaryn suratty.
