Qazaqstanda eki partııany tirkeýge ruqsat berilmedi

ASTANA. KAZINFORM — Qazaqstanda tirkeý satysynda turǵan partııalar bar ma? Bul suraqqa Ádilet vıtse-mınıstri Botagóz Jaqselekova jaýap berdi.

«Qazaqstanda 7 saıası partııa tirkelgen. Dál qazir Ádilet mınıstrliginde qaralyp jatqan jańa saıası partııalardyń ótinishteri joq. Biraq bıylǵy jyldyń basynan beri Ádilet mınıstrligine saıası partııalar qurý týraly úsh habarlama kelip tústi. Olardyń barlyǵy belgilengen tártipte qaraldy. Bireýi qoldaý tapty — Yntymaq partııasy. Qalǵan ekeýi boıynsha qujattary tolyq jınalmaǵan, sondyqtan qabyldanbady», — dedi B. Jaqselekova Senatta ótken baspasóz máslıhatynda tilshiler suraǵyna jaýap bere otyryp, ol sondaı-aq qaı partııalardy tirkeýge ruqsat berilmegenin aıtty.

«Bul turǵyda «Alǵa Qazaqstan» men «Halyq derbestigi» partııalarynyń tizimi sáıkes kelmegen. Osynyń negizinde ruqsat berilmedi», — dedi vıtse-mınıstr.