Qazaqstan qalalaryndaǵy aýa sapasy qandaı

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2025 jylǵy 9 jeltoqsanda Qazaqstan aýmaǵynda qolaısyz meteorologııalyq jaǵdaılar bolmaıdy, — delingen habarlamada. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, sınoptıkter aldaǵy kúnderi aýa raıy kúrt sýytatynyn habarlady. 

Búgin elimizdiń birqatar óńirinde 35 gradýsqa deıin aıaz bolady.