Qazaqstanda egis alqaptarynyń 77%-y egildi
ASTANA. KAZINFORM – Qazaqstan óńirlerde kóktemgi egis jumystary júrip jatyr. Oblys ákimdikteriniń jedel derekterine sáıkes, búgingi tańda aýyl sharýashylyǵy daqyldary 16,3 mln gektar alqapqa egildi, dep habarlaıdy QR Aýyl sharýashylyǵy mınıstrliginiń baspasóz qyzmeti.
Atap aıtqanda, dándi daqyldar 11,2 mln ga, maıly daqyldar – 3,6 mln ga, mal azyqtyq daqyldar – 973,2 myń ga, maqta – 167,6 myń ga, kartop – 116,9 myń ga, kókónis daqyldary – 112 myń ga, baqsha daqyldary – 81,1 myń ga, qant qyzylshasy – 22 myń ga alqapqa egildi.
Egis naýqany elimizdiń negizgi astyq egetin óńirlerinde qarqyndy júrip jatyr. Atap aıtqanda, Aqmola oblysynda 4,1 mln ga, Qostanaı oblysynda – 3,7 mln ga, Soltústik Qazaqstan oblysynda – 2,7 mln ga jerge egin egildi.
Egis naýqanyna 133,9 myńnan astam traktor, shamamen 5,6 myń joǵary ónimdi egis kesheni, 71,4 myń sepkish jáne 188,5 myń topyraq óńdeý quraly jumyldyryldy. Agrarshylarǵa úzdiksiz tehnıkalyq qoldaýdy 70 servıstik ortalyq qamtamasyz etýde.
Budan buryn habarlaǵanamyzdaı, Qazaqstannyń astyq eksporty 11,7 mln tonnaǵa jetti.
