Qazaqstanda egistik alqabynyń 40 paıyzy jınalyp, 7 mln. tonna astyq bastyryldy

ASTANA. 13 qyrkúıek. QazAqparat - Qazirgi ýaqytta Qazaqstanda astyq alqaptarynyń 40 paıyzy jınalǵan,

dep habarlady QR Premer-Mınıstriniń resmı saıty Aýyl sharýashylyǵy vıtse-mınıstri Múslim Ómirıaevqa silteme jasap.

«Jalpy respýblıka boıynsha alqaptardyń 40%-yn jınadyq jáne 7 mln tonnasyn bastyrdyq», - dedi M.Ómirıaev.

Oǵan qosa, vıtse-mınıstrdiń aıtýynsha, bıdaı daqyldarynyń ortasha ónimdiligi gektaryna 11,8 tsentnerdi qurady. Aýyl sharýashylyǵy mınıstrliginiń boljamynsha, astyq jınaý naýqanynyń sońyna deıin 16,3 mln tonna astyq jınalady.