Qazaqstanda egis sýynyń tarıfi qaıta qaralýy múmkin

NUR-SULTAN. QazAqparat – QR Premer-Mınıstri Álıhan Smaıylov Úkimet otyrysynda sýarmaly sý tarıfin qaıta qaraýdy tapsyrdy, dep habarlaıdy QazAqparat tilshisi.

«Sýarmaly sýdy tıimdi bólý kerek. Ákimdikter sýdy tym kóp qajet etetin daqyl alqaptaryn qysqartý úshin fermerler arasynda únemi túsindirý jumysyn júrgizýge tıis. Sýarmaly sýǵa tarıfti qaıta qarap, ony barynsha uqypty paıdalanýdy qamtamasyz etý asa mańyzdy», - dedi Premer-Mınıstr.

Onyń sózinshe, bul iste kóp nárse jergiliki kanaldar men sý qoımalaryn basqaryp otyrǵan adamdardyń jaýapkershiligine baılanysty.

«Kanaldar men sý qoımalarynyń menshik ıeleri óz mindetterin naqty oryndaıtyn bolsa, jóndeý jumystaryna jáne sý resýrstaryn basqarýdy jetildirýge memlekettik qoldaý sharalarymen yntalandyrý mańyzdy», - dedi Álıhan Smaıylov.

Atalǵan Úkimet otyrysynda eldegi egin sýarýǵa ketetin sýdyń 97 paıyzyn ońtústiktegi 4 óńir tutynyp otyrǵany aıtyldy.