Qazaqstanda e-Gov portalynyń qaýipsizdigin arttyrý kózdelýde
ASTANA. QazAqparat - Kommýnıkatsııa jáne aqparat salasynda jańa zań boıynsha, Elektrondy úkimettiń qaýipsizdigin arttyrý kózdelgen, dep habarlaıdy QazAqparat.
Bul týraly Úkimet otyrysynda Aqparat jáne kommýnıkatsııa mınıstri Dáýren Abaev málim etti.
Zań jobasy boıynsha, azamattarmen BAQ-ta jarııalanǵan aqparatty teriske shyǵarýǵa qatysty daý-damaıdy sheshý protsedýralaryn jetildirý, sonymen qatar BAQ ókilderiniń qandaı jaǵdaılarda adamnyń kelisiminsiz onyń beınesin materıalda qoldanýǵa bolatyn negizdemeler tizimin bekitý josparlanyp otyr.
Sondaı-aq sýbtıtrlar men sýrdoaýdarmalardy qoldaný aıasyn keńeıtý, mektepterde balalarǵa ıkemdelgen ınternet-kontentti paıdalaný, quqyǵy buzylǵan balanyń beınesi men jeke málimetterin balanyń nemese onyń zańdy ókilderiniń kelisiminsiz qoldaný aıasyn qysqartý qarastyrylǵan.
Zań jobasyn jasaqtaý barysynda, mınıstrdiń aıtýynsha, aıtylǵan usynys-tilekterdiń 70%-i eskerilip, zań jobasyna engizilgen.
«Sonymen birge Premer-Mınıstrdiń Keńsesinen túsken usynystar da nazarǵa alyndy. Jalpy tórt kodekske jáne 12 zań obasyna 250 ózgertý men tolyqtyrý engiziledi dep josparlanǵan», - dedi D.Abaev.
