Qazaqstanda dúısenbi kúni aýa raıy qubylmaly bolady
ASTANA. QazAqparat - Dúısenbi kúni Qazaqstannyń basym bóliginde atmosferalyq aǵyndardyń ótýine baılanysty aýa raıy qubylmaly bolady, dep habarlaıdy «Qazgıdromet» RMK.
Kásiporyn málimetterine qaraǵanda, elimizdiń keı jerlerinde naızaǵaı oınap, burshaq jaýyp, tek eldiń ońtústiginde ǵana kún ashyq bolady.
Aqmola, Qostanaı oblystarynda keı jerlerde naızaǵaı oınap, tuman túsip, jeldiń kúshi sekýndyna 15-20 metrge jetedi.
Soltústik Qazaqstan oblysynda jel kúsheıip, jyldamdyǵy sekýndyna 15-20 metr bolady.
Almaty, Jambyl oblystarynda keı jerlerde naızaǵaı oınap, Almaty oblysynda jeldiń jyldamdyǵy sekýndyna 17-22 metrge jetedi.
Mańǵystaý oblysynyń keı jerlerinde jeldiń jyldamdyǵy sekýndyna 15-20 metrge jetip, arty shańdy daýylǵa ulasady.
Batys Qazaqstan, Atyraý oblystarynyń birqatar aımaqtarynda naızaǵaı oınap, kúndiz jeldiń jyldamdyǵy sekýndyna 15-20 metrge jetedi. Atyraý oblysynda shańdy daýyl kóteriledi.
Pavlodar, Qaraǵanda, Shyǵys Qazaqstan oblystarynda jeldiń kúshi sekýndyna 15-20 metrge jetedi. Kúndiz burshaq jaýýy múmkin.
Almaty, Batys Qazaqstan oblystarynyń basym bóliginde jáne Jambyl, Aqtóbe oblystarynyń keı jerlerinde aptap ystyq bolady. Mańǵystaý, Atyraý oblystarynda erekshe qatty ystyq bolady.
Mańǵystaý oblysy men Qyzylorda, Túrkistan, Atyraý oblystary men Batys Qazaqstan, Qaraǵandy, Aqtóbe jáne Jambyl oblystarynda órt qaýpi saqtalady.
