Qazaqstanda dúnıege kelgen model jáne akter Queen of the Universe-2013 konkýrsyna qatysady
ASTANA. 16 qańtar. QazAqparat - Qazaqstanda dúnıege kelgen model jáne akter Jazıra Nurqojaeva Queen of the Universe-2013 ("Álem Patshaıymy») konkýrsyna qatysady, dep habarlady Tengrinews.kz konkýrstyń resmı saıtyna silteme jasap.
Queen of the Universe Los-Andjeleste 2013 jylǵy 26 qańtarda ótedi.
Konkýrs jeńimpazy ǵalamshardaǵy árbir bala bilim alýy úshin kúresetin bolady. Sondaı-aq ol qaıyrymdylyq sharalaryn ótkizý maqsatynda úshinshi elderde bolyp, bilimi tómen adamdarmen jumys jasaıdy, jańa bilim berý oryndarynyń ashylýyna kómektesedi. «Álem arýy» sondaı-aq óz eliniń mádenıetin nasıhattap, beıbitshilik pen sulýlyq elshisi retinde qyzmet kórsetedi.
Jazıra Nurqojaeva qazir Los-Andjeleste model jáne akter bolyp jumys isteıdi. Ol eki kınokartınaǵa tústi. Onyń halyqaralyq sulýlyq konkýrstaryna qatysý tájirıbesi bar. 2007 jyly ol «Jer arýy» konkýrsyna qatysty, al 2011 jyly Miss Asia USA konkýrsynda eń ádemi kıimi úshin júldege ıe boldy.
