Qazaqstanda dúnıe esigin ashqan sábıler sany artýda
ASTANA. 13 shilde. QazAqparat - Qazaqstanda dúnıe esigin ashqan sábıler sany 401 paıyzǵa artty. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
«Aǵymdaǵy jylǵy qańtar-mamyrda AHAT organdarynda 158,9 myń dúnıege kelgen sábı tirkeldi. Bul ótken jyldyń sáıkes kezeńimen salystyrǵanda 4,1 paıyzǵa artyq. 1000 adamǵa shaqqandaǵy týýdyń jalpy koeffıtsıenti 22,8 týǵandy quraıdy», - dedi ol.
Onyń atap ótýinshe, aǵymdaǵy jyldyń qańtar-mamyr aılarynda ómirden ozǵandar sany 61,8 myń adamdy quraǵan. Bul 2011 jyldyń qańtar-mamyryna qaraǵanda 2,7 paıyzǵa kem. 1000 adamǵa shaqqandaǵy ólimniń jalpy koeffıtsıenti 8,9 dúnıeden ótkenge teń.
Sonymen qatar osy jyldyń qańtar-mamyrda elimizde 1 jasqa deıingi 2323 náreste shetinegen. Degenmen ótken jyldyń sáıkes kezeńimen salystyrǵanda shetinegen náreste sany 3,2 paıyzǵa azaıǵan. Sábı óliminiń negizgi sebepteri perınataldyq kezeńde paıda bolatyn jaǵdaılarmen baılanysty.
