Qazaqstanda dron óndirisi zerttelip jatyr – Qorǵanys mınıstrligi
ASTANA. KAZINFORM – Baykar Defence kompanııasynyń Qazaqstan aýmaǵynda kamıkadze-drondar men ushqyshsyz ushý apparattaryn óndirý múmkindigin qarastyrýyna baılanysty Senat kýlýarynda qoıylǵan suraqqa Qorǵanys mınıstriniń orynbasary Asqar Mustabekov jaýap berdi.
Onyń aıtýynsha, «Baıraqtar» boıynsha aldyn ala kelisimder jasalǵan jáne qazirgi ýaqytta joba jan-jaqty zerttelip jatyr.
- Baıraqtar boıynsha bizde kelisim boldy. Qazir zerttelip jatyr. Sondyqtan bul suraq jaqyn arada sheshimin tabady dep oılaımyn, – dedi ol.
Sonymen qatar jýrnalıster qazirgi zamanǵy qaqtyǵystar tájirıbesine toqtaldy. AQSh, Iran, Ýkraına jáne Reseı qatysqan áskerı is-qımyldarda iri drondardan bólek, shaǵyn ushqyshsyz apparattardyń da tıimdiligi baıqalyp otyrǵanyn atap ótti.
Osyǵan baılanysty Qazaqstanda dron óndirisin damytý nemese arnaıy zaýyt salý josparlary týraly suraqqa jaýap bergen ol bul baǵytta jumystar qarastyrylyp jatqanyn jetkizdi.
- Eger ishki jalpy ónimniń 1 paıyzyna deıin jetse, osy baǵytta jumystar atqarylatyn bolady. Jospar bar, alaıda jabyq aqparat bolǵandyqtan tolyq aıta almaımyn, – dedi Qorǵanys mınıstriniń orynbasary.
Aıta keteıik, jańa oqý jylynyń bastalýyna baılanysty jeltoqsan aıynyń alǵashqy kúnderinde Qarýly Kúshterdiń barlyq bólimi oqý dabyly boıynsha joǵary deńgeıdegi jaýyngerlik daıyndyqqa keltiriledi.
