Qazaqstanda dopıngke qarsy sharalar kúsheıtildi
Zań jobasy Qazaqstan Respýblıkasy Úkimetiniń 2018 jylǵa arnalǵan zań jobalaý jumystarynyń josparyna sáıkes ázirlengen.
«Biz alǵash ret osyndaı kólemde memlekettiń dopıngke qarsy saıasatyn jetildirý jóninde zańnamaǵa usynystar engizip otyrmyz. Bul zań jobasy aıasynda kúrdeli máseleler qarastyrylǵan. Sebebi qazirgi ýaqytta dopıngti qoldaný álemdik sport qozǵalysyndaǵy eń ózekti máselelerdiń birine aınaldy. Bul másele sport tóńireginen asyp, álemdik qaýymdastyqtyń aldynda eldiń ımıdjin beıneleıtin kúshke aınaldy. Bul rette, dopıngten shyǵatyn barlyq qaýiptiń aýqymy men mańyzdylyǵyn túsine otyryp, ony joıýǵa baǵyttalǵan is-sharalar keshenin turaqty negizde júrgizýimiz qajet», - dedi QR Mádenıet jáne sport mınıstri Arystanbek Muhamedıuly.
Osy Zań jobasymen Qazaqstan Respýblıkasynyń Bıýdjet Kodeksine, Qazaqstan Respýblıkasynyń «Ákimshilik quqyq buzýshylyqtar týraly» Kodeksine, «Dene shynyqtyrý jáne sport týraly» QR Zańyna, «Lotereıa jáne lotereıa qyzmeti týraly» Qazaqstan Respýblıkasynyń Zańyna jáne «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» QR Zańyna ózgerister men tolyqtyrýlar engizý kózdelgen.
Zań jobasynyń negizgi maqsaty - qoldanystaǵy dene shynyqtyrý jáne sport salasyndaǵy zańnamany jetildirý.
«Atalǵan zań jobasy dopıngke qarsy erejelerdi buzǵany úshin jaýapkershilikti qatańdatýǵa, Ulttyq dopıngke qarsy uıymnyń mártebesin arttyrýǵa baǵyttalǵan. Álemde sporttaǵy jeńisterdiń mańyzdylyǵy artyp otyr. Sebebi, sport ol memleket ımıdji. Sporttyq rekordtardyń qarqyndy ósýi iri sporttyq týrnırlerde qatań báseke týdyrady. Árıne, bul sportshynyń aǵzasyna shamadan tys kúshtiń, salmaqtyń túsýine ákelip soǵady. Osyndaı jaǵdaıda sport salasyndaǵy jáne ásirese sportqa jaqyn saladaǵy mamandar irikteý júıesin jetildirý, sporttyń tehnıkasy men taktıkalaryn daıarlaý, materıaldyq bazany jaqsartý jáne uıymdastyrý máselelerin sheshýmen ǵana shektelip qalmaı, sonymen birge, sporttyq arenada qalaı da jeńiske jetý úshin, keıde tyıym salynǵan áreketterge de baryp jatady.
Dárilik zattardy baqylaýsyz paıdalaný halyqaralyq, sondaı-aq ulttyq deńgeıde oǵan qarsy sharalar qabyldaý qajettigin týyndatty. Halyqaralyq deńgeıde qarsy is-áreketti uıymdastyrýdyń mańyzdy róli Dúnıejúzilik dopıngke qarsy agenttikke júktelse, al ulttyq deńgeıde ony baqylaý mindetin Ulttyq dopıngke qarsy ortalyq atqarady», - dedi mınıstr.
Onyń sózine qaraǵanda, dopıngti paıdalanýdy túbimen joıý jaǵdaıyna taldaý jasaı otyryp, álemdik sporttyq arenada, onyń ishinde Olımpıada oıyndarynda joǵary sporttyq jetistikterge jetý maqsatynda, zańnamalyq deńgeıde dopıngke qarsy is-sharalardy qatańdatý sharalaryn qoldaný qajet. ıAǵnı barlyq tyıym salynǵan preparattar men sýbstantsııalardy paıdalanǵany, ony taǵaıyndaǵany jáne taratqany úshin jaýapkershilikti arttyrý qajet.
