Qazaqstanda donorlyqty uıymdastyrýda sońǵy býyndy tehnologııalar paıdalanylyp jatyr - E. Jıbýrt
ASTANA. QazAqparat - Qazaqstanda donorlyqty uıymdastyrý kezinde sońǵy býyndy tehnologııalar paıdalanylyp jatyr. Bul týraly búgin Ortalyq kommýnıkatsııalar qyzmetindegi brıfıngte Shyǵys Eýropa jáne TMD boıynsha Halyqaralyq transfýzıologtar qoǵamynyń jetekshisi, professor Evgenıı Jıbýrt málim etti.
«Qan qabyldaý qyzmeti - ol ujymdyq mamandandyrylǵan jumys. Osy oraıda klınıkaǵa kelip túsetin konteınerdiń aınalasynda ondaǵan jáne júzdegen adamnyń eńbegi bar. Bul - kúrdeli óndiristik úderis. Atap aıtqanda, bul baǵytta Qazaqstanda eń aldyńǵy qatarly tehnologııalar padalanylýda jáne bul turǵyda kemshilikter joq. Osyndaı tıimdi jumystary úshin basshylyqqa alǵys aıtýǵa bolady», - dedi E. Jıbýrt.
Onyń sózine qaraǵanda, donorlardy tartýda buqaralyq aqparat quraldyrynyń róli mańyzdy. «Qazaqstanda bul baǵytta donorlardy aqparattandyrý júıesi aıtarlyqtaı tabysty qalyptasqan. Osy oraıda halyqaralyq uıymdardyń tájirıbesi jaqsy júzege asyrylýda. BAQ arqyly densaýlyǵy jaqsy adamdar donorlyqqa tartý budan ary qaraı belsendi túrde iske asyrylady dep oılaımyn», - dep túıdi E. Jıbýrt.
