Qazaqstanda donorlyq aǵzalarǵa degen tapshylyq óte joǵary
ASTANA. QazAqparat - Qazaqstanda donorlyq dene múshelerine degen tapshylyq tym joǵary bolyp tur. Bul týraly búgin Ortalyq kommýnıkatsııalar qyzmetinde ótken brıfıngte QR Densaýlyq saqtaý mınıstri Salıdat Qaıyrbekova aıtty.
«Aıtýǵa qıyn bolsa da, bir adamnyń ólimi, ıaǵnı onyń aǵzalary bes adamnyń ómirin saqtap qalýy múmkin. Sondyqtan elimizde transplantologııanyń damýy otandastarymyzdyń ólgennen keıin óz aǵzalaryn basqa naýqastarǵa beretin donorlar bolýǵa umtylysymen tikeleı baılanysty», - dep óz oıyn bildirdi mınıstr.
Onyń aıtýynsha, Qazaqstannyń medıtsınalyq sektory búginde adam aǵzalaryn aýystyryp salý operatsııalaryna tolyqtaı daıyn. Degenmen, áli de bolsa sondaı donorlar tabý máselesi mańyzdy bolyp tur.
Aıta keteıik, 2013 jyly aǵzany transplantatsııalaý boıynsha 177 ota jasalǵan. Onyń 130-y - búırek, 19-y - baýyr aýystyrý.
