Qazaqstanda dombyra eskertkishin jasaýǵa baıqaý jarııalandy
ASTANA. QazAqparat - Baıqaýda úzdik dep tanylǵan dombyra eskertkishi Astanadaǵy Ulttyq akademııalyq kitaphananyń aldyna ornatylady, dep habarlaıdy QazAqparat tilshisi.
«2018 jyly Elbasynyń sheshimimen shildeniń birinshi jeksenbisi Ulttyq dombyra kúni bolyp jarııalandy. Aıtýly bastamany odan ári júzege asyrý jáne ulttyq mádenıet pen rýhanı bedelimizdi nyǵaıtý maqsatynda QR Ulttyq akademııalyq kitaphanasy qazaq halqynyń mýzykalyq mádenıetiniń basty sımvoly ári uly aspaby dombyra eskertkishi kompozıtsııasyna baıqaý jarııalaıdy», - dep jazylǵan atalǵan kitaphananyń Feısbýk paraqshasynda.
Baıqaýǵa elimizdiń sýretshileri men músinshileri shaqyrylady.
Sondaı-aq, shyǵarmashylyq synǵa qatysýshylardyń eńbekteri áleýmettik jelilerde (Facebook) jarııalanyp, onyń ishinen úzdik jumysty tańdaýǵa daýys berý júzege asyrylady.
«Bizden qoıylatyn talaptar: eskertkish 20 metr bıiktikke sáıkes kelýi, dybystyq effektilerdi berýi jáne metall qurylǵydan jasalýy shart. Eń úzdik jumys QR Ulttyq akademııalyq kitaphanasynyń aldynda ornatylady. Baıqaý jumystary aǵymdaǵy jyldyń 24 naýryz kúninen bastap qabyldanady», - delingen habarlamada.
Eske sala ketsek, ótken jyly Elbasynyń Jarlyǵymen shilde aıynyń birinshi jeksenbisi Ulttyq dombyra kúni bolyp belgilendi.
