Qazaqstanda dızel tapshylyǵyna baılanysty onyń baǵasy qymbattaýy múmkin
«Ókinishke qaraı, bizdegi dızel baǵasy kórshiles eldermen sáıkes kelmeıdi. Sondyqtan Qazaqstan arqyly ótetin tranzıttik júk kólikteri janarmaı beketterinen 1000 nemese odan da kóp lıtr satyp alady. Bul baǵanyń ósýine ákelip otyr»,-dep habarlady kompanııanyń baspasóz qyzmeti.
Sonymen qatar, Qazaq Oil kompanııasy qazan aıynda Pavlodar munaı-hımııa zaýyty josparly jóndeýge jabylatynyn atap ótti.
Sondyqtan dızel otynyn Reseı Federatsııasynan ımporttaý qajet bolady.
Saldarynan bul janarmaı quıý beketterinde satý baǵasynyń ósýine ákeledi, óıtkeni satyp alý baǵasy men oǵan baılanysty shyǵyndardy eskerý qajet.
«Soǵan qaramastan, dızel otynnyń jańa kólemi paıda bolǵan kezde baǵanyń ózgerýi kezeń- kezeńimen bolady. Bul jaǵdaıda birinshi kezektegi mindet - búkil tutynýshylardy dızel otynynyń qajetti kólemimen qamtamasyz etý jáne barlyq mindettemelerdi ýaqytynda oryndaý knrek», - dep túsindirdi Qazaq Oil.
Buǵan deıin «Helios» kompanııasynyń ókili Denıs Trandafılov dızel otynynyń qymbattaý sebepterin túsindirgen bolatyn.
